'അടൂർ സ്‌ത്രീ ശരീരത്തെ അസഭ്യനോട്ടം നോക്കിയ ആളല്ലേ? വെള്ളയിട്ടാൽ യേശുദാസ് പറഞ്ഞത് അസഭ്യമാകാതിരിക്കുമോ?' വീണ്ടും വിനായകന്റെ കുറിപ്പ്

വെള്ളയിട്ട് പറഞ്ഞാൽ യേശുദാസ് പറഞ്ഞത് അസഭ്യം ആകാതിരിക്കുമോ? ജുബ്ബയിട്ട് പറഞ്ഞാൽ അടൂരിന്റേത് അസഭ്യമാകാതെ ഇരിക്കുമോ എന്നും നടൻ ചോദിക്കുന്നുണ്ട്. ഇന്നലെ അസഭ്യവാക്കുകളുമായി വളരെ അധിക്ഷേപകരമായ രീതിയിൽ ഇരുവരെയും കുറിച്ച് വിനായകൻ പോസ്റ്റിട്ടിരുന്നു. അത് നീക്കിയ ശേഷമാണ് പുതിയ പോസ്റ്റിട്ടിരിക്കുന്നത്. ഇന്നലെ യേശുദാസിന്റെ മാത്രം ചിത്രമായിരുന്നെങ്കിൽ പുതിയ പോസ്റ്റിൽ അടൂരിന്റെയും യേശുദാസിന്റെയും ചിത്രങ്ങൾ പങ്കുവച്ചിട്ടുണ്ട്.

ജുബ്ബയിട്ട് ചെയ്താൽ അടൂർ അസഭ്യമാകാതെ ഇരിക്കുമോ? ചാലയിലെ തൊഴിലാളികൾ തിയറ്ററിലെ വാതിൽ പൊളിച്ച് സെക്സ് കാണാൻ ചലച്ചിത്ര മേളയിൽ കയറിയെന്നും അതിനെ പ്രതിരോധിക്കാനാണ് ടിക്കറ്റ് ഏർപ്പെടുത്തിയതെന്നും അടൂർ പറഞ്ഞത് അസഭ്യമല്ലേ? ദളിതർക്കും സ്ത്രീകൾക്കും സിനിമ എടുക്കാൻ ഒന്നര കോടി രൂപ കൊടുത്താൽ അതിൽ നിന്നു കട്ടെടുക്കും എന്ന് അടൂർ പറഞ്ഞാൽ അസഭ്യമല്ലേ? സംസ്കൃതത്തിൽ അസഭ്യം പറയുന്നവരോട് പച്ച മലയാളത്തിൽ തിരിച്ചു പറയുന്നത് അസഭ്യമാണെങ്കിൽ അത് തുടരുക തന്നെ ചെയ്യും.