ഷൂട്ടിംഗ് വൈകാൻ പ്രധാന കാരണം നടീനടന്മാർ അവരുടെ സൗകര്യത്തിനനുസരിച്ച്‌ വരുന്നത്: ബി. ഉണ്ണികൃഷ്ണൻ

സിനിമാ സെറ്റുകളിൽ ഷൂട്ടിംഗ് വൈകാൻ പ്രധാന കാരണം നടീനടന്മാർ എന്ന് സംവിധായകനും ഫെഫ്ക ജനറൽ സെക്രട്ടറിയുമായ ബി. ഉണ്ണികൃഷ്ണൻ (B. Unnikrishnan). പലപ്പോഴും ഷൂട്ടിംഗ് തുടങ്ങുന്നത് പത്തരയ്ക്കും പതിനൊന്നു മണിക്കുമായിരിക്കും. നടീനടന്മാരുടെ വരവ് തന്നെയാണ് അതിനു കാരണം. അവർക്ക് ഇത്തരം വ്യവസ്ഥകളൊന്നും ബാധകമല്ല. അവർ അവരുടെ സൗകര്യത്തിനനുസരിച്ചാണ് വരുന്നത്. ഷൂട്ടിംഗ് ദിനങ്ങളും ബജറ്റും വല്ലാതെ കൂടുമ്പോൾ, നിർമാതാവും സംവിധായകനും പ്രൊഡക്ഷൻ കൺഡ്രോളറും ചേർന്നുള്ള ത്രികക്ഷി കരാർ നിർമാതാക്കൾ ആവശ്യപ്പെട്ടിട്ടുണ്ട്. ഇതേ ബജറ്റിൽ പറഞ്ഞ ദിവസങ്ങൾക്കുള്ളിൽ സിനിമ ചെയ്തു തീർക്കും എന്ന ഉത്തരവാദിത്തം ഉറപ്പാക്കുന്നതിന് വേണ്ടിയാണത്.