Honey Rose: ഹണി റോസിന്റെ പരാതി: ഇനിയും അറസ്റ്റ് ഉണ്ടാകുമെന്ന് പൊലീസ്;കമൻ്റ് വീരന്മാർ അക്കൗണ്ട് പൂട്ടി ഓടുന്നു

കൊച്ചി: സോഷ്യൽമീഡിയയിലൂടെ ദ്വയാർത്ഥപ്രയോഗങ്ങളിലൂടെയും ലൈംഗികമായും അപമാനിച്ചുവെന്ന നടി ഹണി റോസിന്റെ പരാതിയിൽ നടപടി ശക്തമാക്കി പൊലീസ്. ഇനിയും അറസ്റ്റ് ഉണ്ടാകുമെന്നും പൊലീസ് അറിയിച്ചു. ഇതോടെ മോശം കമ്മന്റിട്ടവർ കമന്റുകൾ ഡിലീറ്റ് ചെയ്ത് ഇൻസ്റ്റഗ്രാം, ഫേസ്ബുക്ക് അക്കൗണ്ടുകൾ ഉപേക്ഷിക്കുന്നതായി പൊലീസ്. ഹണി റോസ് നൽകിയ പരാതിയിലുള്ള ആളുകളുടെ കമന്റുകൾ പരിശോധിച്ചു വരികയാണെന്നും കൂടുതൽ അറസ്റ്റുകൾ ഉണ്ടാകുമെന്നും സെൻട്രൽ ഇൻസ്പെക്ടർ അനീഷ് ജോയി മാധ്യമങ്ങളോട് പ്രതികരിച്ചു. 27 പേർക്കെതിരെയാണ് ഹണി റോസ് പരാതി നൽകിയത്. ഇതിന്റെ അടിസ്ഥാനത്തിൽ കഴിഞ്ഞ ദിവസം കുമ്പളം സ്വദേശി ഷാജിയെ പൊലീസ് അറസ്റ്റ് ചെയ്തിരുന്നു.