Joju George | 'കാശുള്ളവനാണന്ന് ആക്രോശിക്കുന്നത് ഹീറോയിസമാണങ്കില് ഒന്നും പറയാനില്ല; വിജയ് യെ കണ്ടുപഠിക്കണം'; ആലപ്പി അഷ്റഫ്
- Published by:Jayesh Krishnan
- news18-malayalam
Last Updated:
ജീവിതം മുന്നോട്ട് കൊണ്ടുപോകാനാകാതെ പൊറുതിമുട്ടുന്ന ജനം പ്രതിഷേധിക്കുമ്പോള് അവരുടെ മുഖത്തേക്ക് ദയവായ് നിങ്ങള് കാര്ക്കിച്ച് തുപ്പരുതെന്ന് അദ്ദേഹം കുറിച്ചു.
നടന് ജോജു ജോര്ജും കോണ്ഗ്രസ് പ്രവര്ത്തകരും തമ്മിലുണ്ടായ വിവാദത്തില് പ്രതികരണവുമായി ആലപ്പി അഷ്റഫ്. ആ പാവത്തിന് മുന്നില് മുണ്ടും തെറുത്തു കുത്തി അതേടാ ഞാന് കാശുള്ളവനാണന്ന് ആക്രോശിക്കുന്നത് ഹീറോയിസമാണങ്കില് എനിക്ക് ഒന്നും പറയാനില്ല. പണമുണ്ടങ്കില് മാസ്ക്കും ധരിക്കേണ്ട എന്നുണ്ടോയെന്നും അദ്ദേഹം ചോദിക്കുന്നു.
ജോജു ഉള്പ്പടെയുള്ള താരങ്ങള് തമിഴ് നടന് വിജയ്യെ കണ്ട് പഠിക്കണമെന്നും അദ്ദേഹം പറയുന്നു. ഫേസ്ബുക്കില് കുറിപ്പിലൂടെയായിരുന്നു അദ്ദേഹത്തിന്റെ പ്രതികരണം. ജീവിതം മുന്നോട്ട് കൊണ്ടുപോകാനാകാതെ പൊറുതിമുട്ടുന്ന ജനം പ്രതിഷേധിക്കുമ്പോള് അവരുടെ മുഖത്തേക്ക് ദയവായ് നിങ്ങള് കാര്ക്കിച്ച് തുപ്പരുതെന്ന് അദ്ദേഹം കുറിച്ചു.
ആലപ്പി അഷ്റഫിന്റെ ഫേസ്ബുക്ക് കുറിപ്പിന്റെ പൂര്ണരൂപം
'നിന്റെ കൈയ്യില് കാശുണ്ട് ' .
ജോജുവിന്റെ നേരേ ചോദ്യമുയര്ത്തിയ ആ മനുഷ്യനാണ് എന്റെ പ്രതിനിധി. ഒരു പക്ഷേ, ഒരു കാലി ചായ പോലും കുടിക്കാനാവാതെ ഒഴിഞ്ഞ വയറുമായ് സമരമുഖത്തെത്തിയ ആ വ്യക്തിയെ നമുക്കെങ്ങനെ തള്ളി പറയാനാകും. ഫാസിസ്റ്റ് നയങ്ങളില് പെറുതിമുട്ടുന്ന ശരാശരി ഭാരതീയന്റെ പ്രതിനിധിയാണയാള്.
advertisement
ആ പാവത്തിന് മുന്നില് മുണ്ടും തെറുത്തു കുത്തി അതേടാ ഞാന് കാശുള്ളവനാണന്ന് ആക്രോശിക്കുന്നത് ഹീറോയിസമാണങ്കില് എനിക്ക് ഒന്നും പറയാനില്ല. പണമുണ്ടങ്കില് മാസ്ക്കും ധരിക്കേണ്ട എന്നുണ്ടോ....
പക്ഷേ ഒന്നുമറക്കണ്ട അരാഷ്ട്രീയവാദം ആപത്താണ്.
RTO ഓഫീസില് കയറി ഭീഷണി മുഴക്കി കേരളം കത്തിക്കുമെന്നു പറഞ്ഞ ലക്ഷക്കണക്കിന് ഫാന്സ് പിന്ബലമുള്ള ബ്ലോഗറന്മാരുടെ ആരാധനക്കൂട്ടം സോഷ്യല് മീഡിയായില് നിറഞ്ഞാടിയത് നാം കണ്ടതാണ്.
നൂറുകോടിക്ക് മേല് പ്രതിഫലം വാങ്ങുന്ന തമിഴ്നടന് വിജയ് യെ നാം കണ്ടു പഠിക്കേണ്ടതുണ്ട്.
advertisement
അദ്ദേഹം പെട്രോള് വില വര്ദ്ധനവിനെതിരെ സൈക്കളില് നടത്തിയ പ്രതിഷേധ യാത്ര ആ നടന് സമൂഹത്തോടുള്ള തന്റെ പ്രതിബദ്ധത അടയാളപ്പെടുത്തുകയായിരുന്നു.
ജീവിതം മുന്നോട്ട് കൊണ്ടുപോകാനാകാതെ പൊറുതിമുട്ടുന്ന ജനം പ്രതിഷേധിക്കുമ്പോള് അവരുടെ മുഖത്തേക്ക് ദയവായ് നിങ്ങള് കര്ക്കിച്ച് തുപ്പരുത്.
Click here to add News18 as your preferred news source on Google. സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
First Published :
Nov 03, 2021 12:46 PM IST
മലയാളം വാർത്തകൾ/ വാർത്ത/Film/
Joju George | 'കാശുള്ളവനാണന്ന് ആക്രോശിക്കുന്നത് ഹീറോയിസമാണങ്കില് ഒന്നും പറയാനില്ല; വിജയ് യെ കണ്ടുപഠിക്കണം'; ആലപ്പി അഷ്റഫ്
