ബിനീഷ് കോടിയേരിയോട് 'അമ്മ' വിശദീകരണം തേടും; പാർവതി തിരുവോത്തിന്റെ രാജി അംഗീകരിച്ചു

കൊച്ചി: ബെംഗളുരു മയക്ക് മരുന്ന് കേസുമായി ബന്ധപ്പെട്ട് അറസ്റ്റിലായ ബിനീഷ് കോടിയേരിയോട് വിശദീകരണം തേടാൻ താര സംഘടനയായ അമ്മ തീരുമാനിച്ചു. കൊച്ചിയിൽ ചേർന്ന അമ്മ എക്സിക്യൂട്ടീവ് യോഗത്തിന്റേതാണ് തീരുമാനം. നടി പാർവതി തിരുവോരത്തിൻ്റെ രാജി സ്വീകരിക്കാനും എക്സിക്യൂട്ടീവ്  യോഗം തീരുമാനിച്ചു.സംഘടനയുടെ സാമ്പത്തിക ഭദ്രതയ്ക്കു വേണ്ടി സ്വന്തമായി സിനിമ നിർമ്മിക്കാനും എക്സിക്യൂട്ടീവിൽ തീരുമാനമായി. അംഗങ്ങളുടെ ആരോഗ്യഇൻഷുറൻസ് പരിരക്ഷ അഞ്ച് ലക്ഷമായും അപകട മരണ ഇൻഷുറൻസ് 12 ലക്ഷമായും ഉയർത്തിയെന്നും അമ്മ പത്രക്കുറിപ്പിൽ വ്യക്തമാക്കി.