ബൈജു എഴുപുന്ന സംവിധായകൻ; ഹൊറർ പശ്ചാത്തലത്തിൽ 'കൂടോത്രം' ആരംഭിച്ചു

കഴിഞ്ഞ കാൽ നൂറ്റാണ്ടിലേറെയായി അഭിനയ രംഗത്ത് വ്യത്യസ്ഥ കഥാപാങ്ങളിലൂടെ തിളങ്ങിയ ബൈജു എഴുപുന്ന രണ്ടാമതും സംവിധായകനാകുന്ന 'കൂടോത്രം' എന്ന ചിത്രത്തിൻ്റെ ചിത്രീകരണം ഡിസംബർ 29 ഞായറാഴ്ച ഇടുക്കി കഞ്ഞിക്കുഴിയിൽ ആരംഭിച്ചു. ബൈജു എഴുപുന്ന കെ.ക്യൂ. എന്ന ചിത്രം മുൻപ് സംവിധാനം ചെയ്തിരുന്നു. സാൻജോ പ്രൊഡക്ഷൻസ് ആൻഡ് ദേവദയം പ്രൊഡക്ഷൻസിൻ്റെ ബാനറിൽ ബൈജു എഴുപുന്ന, സിജി കെ. നായരാണ് ചിത്രം നിർമ്മിക്കുന്നത്. ചലച്ചിത്ര പ്രവർത്തകരും, ബന്ധുമിത്രാദികളും, അണിയറ പ്രവർത്തകരും പങ്കെടുത്ത ലളിതമായ ചടങ്ങിൽ നടിമാരായ മനോഹരിയമ്മ, അജിതാ നമ്പ്യാർ എന്നിവർ ആദ്യ ഭദ്രദീപം തെളിയിച്ചതോടെയാണ് തുടക്കമായത്. സംവിധായകൻ സൂരജ് ടോം സ്വിച്ചോൺ കർമ്മവും, ബിനു ക്രിസ്റ്റഫർ ഫസ്റ്റ് ക്ലാപ്പും നൽകി.