ബെത്ലഹേമിലെ തൂമഞ്ഞ് രാത്രിയിൽ.. ഈ ക്രിസ്മസ് നാൾ ആഘോഷമാക്കാൻ കരോൾ ഗാനവുമായി 'ആഘോഷം' ടീം

ക്രിസ്മസ് കരോൾ ദിനങ്ങൾക്ക് ആഘോഷമേകാൻ സ്റ്റീഫൻ ദേവസി സംഗീതം നൽകിയ 'ആഘോഷം' സിനിമയുടെ കരോൾ ഗാനം പുറത്തിറങ്ങി. 'ബെത്ലഹേമിലെ തൂമഞ്ഞ് രാത്രിയിൽ' എന്നു തുടങ്ങുന്ന ഗാനത്തിന് വരികൾ എഴുതിയിരിക്കുന്നത് ഡോ: ലിസി കെ. ഫെർണാണ്ടസ്. സൂര്യ ശ്യാം ഗോപാലാണ് ഗാനം ആലപിച്ചിരിക്കുന്നത്. ഗുഡ് വിൽ എന്റർടൈൻമെന്റ്സ് ചാനലിലൂടെ പുറത്തിറങ്ങിയ ഗാനം ഉണ്ണിയേശുവിന്റെ തിരുപ്പിറവിയുടെ സന്തോഷം നിറഞ്ഞ ദൃശ്യാവിഷ്കാരമാണ്. സ്റ്റീഫൻ ദേവസിയുടെ തനത് ശൈലിയിൽ ക്ലാസിക്കൽ ടച്ചോടെയാണ് ഗാനം ഒരുക്കിയിരിക്കുന്നത്. കൊച്ചി ചാവറ കൾച്ചറൽ സെന്ററിൽ നടന്ന ചടങ്ങിൽ വച്ച് ഗാനങ്ങൾ റിലീസ് ചെയ്തു. സിനിമയിലെ അഭിനേതാക്കളും സിനിമാരംഗത്തെ മറ്റു പ്രഗൽഭരും അണിയറപ്രവർത്തകരും ചടങ്ങിൽ പങ്കെടുത്തു.