Allu Arjun|'ഇതേ യുക്തിയിൽ രേവന്ത് റെഡ്ഡിയേയും അറസ്റ്റ് ചെയ്യണം'; അല്ലു അർജുൻ്റെ അറസ്റ്റിനെതിരെ ബിആർഎസും ബിജെപിയും

തെന്നിന്ത്യൻ നടൻ അല്ലു അർജുനെ അറസ്റ്റ് ചെയ്ത സംഭവത്തിൽ താരത്തിന് പിന്തുണയുമായി ബിആർഎസും ബിജെപിയും. പുഷ്പ 2 റിലീസ് ദിനത്തിൽ തിക്കിനും തിരക്കിലും ഇടയിൽ പെട്ട് സ്ത്രീ മരിക്കാനിടയായ സാഹചര്യത്തെ അനുശോചനം രേഖപ്പെടുത്തിയ ഭാരത് രാഷ്ട്ര സമിതി (ബിആർഎസ്) വർക്കിംഗ് പ്രസിഡൻ്റ് കെ ടി രാമറാവു അല്ലുവിന്റെ അറസ്റ്റിൽ അപലപിച്ചു. ദേശീയ അവാർഡ് ജേതാവായ താരത്തിനെ അറസ്റ്റ് ചെയ്ത നടപടി സംസ്ഥാന സർക്കാരിൻ്റെ അരക്ഷിതാവസ്ഥയുടെ മൂർദ്ധന്യാവസ്ഥയാണെന്നും അദ്ദേഹം പറഞ്ഞു. നേരിട്ട് ഉത്തരവാദിയല്ലാത്ത ഒരു കാര്യത്തിന് അല്ലു അർജുനെ ഒരു സാധാരണ കുറ്റവാളിയായി കണക്കാക്കുന്നത് അനാവശ്യമാണ്. ബഹുമാനത്തിനും മാന്യമായ പെരുമാറ്റത്തിനും എപ്പോഴും ഇടമുണ്ട്. സർക്കാരിൻ്റെ അല്ലുവിനോടുള്ള ഈ സമീപനത്തിൽ താൻ ശക്തമായി അപലപിക്കുന്നുവെന്നും അദ്ദേഹം കൂട്ടിച്ചേർത്തു.