ഇപ്പോൾ എണ്ണിത്തുടങ്ങിയാൽ 100 ദിവസങ്ങൾ കൂടി; ഗീതു മോഹൻദാസ് ചിത്രം ടോക്‌സിക്കിന് പിന്നിൽ ആരെല്ലാം?

Published by:meera_57
news18-malayalam

Last Updated:Dec 09, 2025 2:00 PM IST

ദേശീയ അവാർഡ് ജേതാവ് രാജീവ് രവിയാണ് ചിത്രത്തിന്റെ ഛായാഗ്രഹണം

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

ഗീതു മോഹൻദാസിന്റെ സംവിധാനത്തിൽ ഒരുങ്ങുന്ന 'ടോക്സിക്: എ ഫെയറി ടെയിൽ ഫോർ ഗ്രോൺ-അപ്സിന്റെ' നിർമ്മാതാക്കൾ 2026 മാർച്ച് 19 ന് സിനിമയുടെ ഗ്രാൻഡ് റിലീസിലേക്കുള്ള കൗണ്ട്ഡൗൺ ഔദ്യോഗികമായി ആരംഭിച്ചു. ഗീതു മോഹൻദാസ് സംവിധാനം ചെയ്യുന്ന ടോക്‌സിക്കിന്റെ ആവേശം വർദ്ധിപ്പിച്ചുകൊണ്ട്, റോക്കിംഗ് സ്റ്റാർ യാഷിനെ തീവ്രമായ ലുക്കിൽ പ്രദർശിപ്പിക്കുന്ന ശക്തമായ ഒരു പുതിയ പോസ്റ്റർ ടീം ഇന്ന് റിലീസ് ചെയ്തു.

പോസ്റ്ററിൽ, രക്തരൂക്ഷിതമായ ബാത്ത് ടബ്ബിൽ പോസ് ചെയ്യുന്ന യാഷ് ഒരേസമയം സെക്സി, പരുക്കൻ ലുക്കിൽ കാണാം. മുഖം ദൃശ്യമല്ലെങ്കിലും, ഒരു പ്രകാശരേഖയിലൂടെ അദ്ദേഹം പുറത്തേക്ക് നോക്കുന്നു. യാഷിന്റെ ശരീരം ടാറ്റൂകളാൽ നിറയുന്നു. അദ്ദേഹത്തിന്റെ കഥാപാത്രത്തെ സൂചിപ്പിക്കുന്ന ഒരു തികഞ്ഞ ബഡാസ് വൈബ് നൽകുന്നു ഈ പോസ്റ്റർ.

പ്രധാന ഉത്സവ കാലയളവിൽ റിലീസ് ചെയ്യാൻ ഒരുങ്ങുന്ന ടോക്സികിന്റെ പോസ്റ്ററിനൊപ്പം, ചിത്രത്തിന്റെ പിന്നണിയിൽ പ്രവർത്തിച്ച പ്രഗത്ഭരായ സാങ്കേതിക വിദഗ്ധരുടെ ടീമിനെ ഔദ്യോഗികമായി പ്രഖ്യാപിച്ചു. ദേശീയ അവാർഡ് ജേതാവ് രാജീവ് രവിയാണ് ചിത്രത്തിന്റെ ഛായാഗ്രഹണം നിർവഹിക്കുന്നത്.

View this post on Instagram

A post shared by Yash (@thenameisyash)

കെജിഎഫ് എന്ന ചിത്രത്തിൽ യാഷുമായി മുൻകാല സഹകരണത്തിന് പേരുകേട്ട രവി ബസ്രൂർ ആണ് സംഗീതം ഒരുക്കിയിരിക്കുന്നത്. എഡിറ്റിംഗ് ഉജ്വൽ കുൽക്കർണി. പ്രൊഡക്ഷൻ ഡിസൈനിന്റെ ചുമതല ടി.പി. ആബിദിനാണ്. ജോൺ വിക്കിലൂടെ പ്രശസ്തനായ ഹോളിവുഡ് ആക്ഷൻ ഡയറക്ടർ ജെ.ജെ. പെറിയും ദേശീയ അവാർഡ് ജേതാവായ ആക്ഷൻ ഡയറക്ടർ അൻബറിവും ചേർന്ന് ചിത്രത്തിന്റെ ഏറ്റവും പ്രധാനപ്പെട്ട ചില ആക്ഷൻ സീക്വൻസുകൾ ഒരുക്കിയിട്ടുണ്ട്.

യാഷും ഗീതു മോഹൻദാസും ചേർന്ന് രചിച്ച ടോക്സിക് ഇംഗ്ലീഷിലും കന്നഡയിലും ഒരേസമയം ചിത്രീകരിച്ചിട്ടുണ്ട്. കൂടാതെ ഹിന്ദി, തെലുങ്ക്, തമിഴ്, മലയാളം, മറ്റ് ഭാഷകളിലും ഡബ്ബ് ചെയ്യപ്പെടും. കെവിഎൻ പ്രൊഡക്ഷൻസിന്റെയും മോൺസ്റ്റർ മൈൻഡ് ക്രിയേഷൻസിന്റെയും കീഴിൽ വെങ്കട്ട് കെ. നാരായണയും യാഷും ചേർന്നാണ് ചിത്രം നിർമ്മിക്കുന്നത്. പി.ആർ.ഒ. : പ്രതീഷ് ശേഖർ.

Summary: The makers of Geetu Mohandas' directorial venture 'Toxic: A Fairy Tale for Grown-Ups' have officially started the countdown to the film's grand release on March 19, 2026. Adding to the excitement of Geetu Mohandas' directorial venture, the team today released a powerful new poster showcasing rocking star Yash in an intense look