വിജയ് ദേവരകൊണ്ട ചിത്രം 'ലൈഗർ' ലൂടെ കള്ളപ്പണം വെളുപ്പിച്ചു; സംവിധായകൻ പുരി ജഗന്നാഥിനേയും ചാർമി കൗറിനേയും Ed ചോദ്യം ചെയ്തത് 12 മണിക്കൂർ

ലൈഗർ ചിത്രത്തിന്റെ നിർമാണത്തിനായി ലഭിച്ച പണവുമായി ബന്ധപ്പെട്ടായിരുന്നു ചോദ്യം ചെയ്യൽ. കഴിഞ്ഞ ഓഗസ്റ്റിലാണ് ചിത്രം റിലീസ് ചെയ്തത്. 125 കോടി ബജറ്റിൽ നിർമിച്ച ചിത്രം വിജയിയുടെ ആദ്യ പാൻ ഇന്ത്യ ചിത്രം എന്ന രീതിയിലായിരുന്നു വിവിധ ഭാഷകളിൽ പുറത്തിറങ്ങിയത്. എന്നാൽ വൻ പരാജയമായിരുന്നു തിയേറ്ററിൽ സിനിമ നേരിട്ടത്.

വിജയ് ദേവരകൊണ്ടയും അനന്യ പാണ്ഡേയുമായിരുന്നു നായികാ നയകന്മാരായി എത്തിയത്. അമേരിക്കൻ ബോക്സിങ് താരം മൈക്ക് ടൈസണും ചിത്രത്തിൽ അതിഥി വേഷത്തിൽ എത്തിയിരുന്നു. കോൺഗ്രസ് നേതാവ് ബക്ക ജൂഡ്സൺ നൽകിയ പരാതിയിലാണ് ഇഡി സംവിധായകനേയും നിർമാതാവിനേയും ചോദ്യം ചെയ്തത്. പരാതിയിൽ ചോദ്യം ചെയ്യലിന് ഹാജരാകാൻ ചാർമി കൗറിനും പുരി ജഗന്നാഥിനും 15 ദിവസം മുമ്പാണ് ഇഡി നോട്ടീസ് നൽകിയത്.

Also Read- ഷക്കീല പങ്കെടുക്കുന്നതില്‍ എതിര്‍പ്പ്; കോഴിക്കോട് ഒമര്‍ ലുലു ചിത്രം 'നല്ല സമയം' ട്രെയ്ലര്‍ ലോഞ്ച് ഒഴിവാക്കി

Also Read- 'കാതലില്‍ എന്‍റെ ഭാഗങ്ങള്‍ പൂര്‍ത്തിയായി'; സെറ്റില്‍ ഭക്ഷണം വിളമ്പി മമ്മൂട്ടി, കൂട്ടിന് ജ്യോതികയും

പണം അയച്ചവരുടെ വിശദാംശങ്ങളും മൈക്ക് ടൈസണും ടെക്‌നിക്കൽ ക്രൂവും ഉൾപ്പടെയുള്ള വിദേശ താരങ്ങൾക്ക് പണം നൽകിയത് എങ്ങനെയെന്നും പുരി ജഗന്നാഥിനോടും ചാർമി കൗറിനോടും ഇഡി ആരാഞ്ഞിട്ടുണ്ട്.