വെറും ഏഴു ദിവസം; 100 കോടി ക്ലബിൽ പാപ്പനും പിള്ളേരും; 101 കോടി ആഗോള ഗ്രോസ്സുമായി ആട് 3

ഈ 100 കോടി ക്ലബ് നേട്ടത്തോടെ, ജയസൂര്യയുടെ കരിയറിലെ ആദ്യ 100 കോടി ചിത്രം എന്ന റെക്കോർഡും ‘ആട് 3’ സ്വന്തമാക്കി. ഇതോടെ മോഹൻലാൽ, പൃഥ്വിരാജ്, ടോവിനോ തോമസ്, ഫഹദ് ഫാസിൽ തുടങ്ങിയ താരങ്ങൾക്ക് പിന്നാലെ ഈ നേട്ടത്തിലെത്തുന്ന നായകനായി ജയസൂര്യ മാറി.

ബിഗ് ബഡ്ജറ്റ് എപിക് ഫാന്റസി മലയാള സിനിമയായ ‘ആട് 3’, ഫ്രൈഡേ ഫിലിം ഹൗസും കാവ്യ ഫിലിം കമ്പനിയും ചേർന്നാണ് നിർമ്മിച്ചത്. മിഥുൻ മാനുവൽ തോമസ് സംവിധാനം ചെയ്ത ചിത്രം, അദ്ദേഹത്തിന്റെ കരിയറിലെ തന്നെ ഏറ്റവും വലിയ ഹിറ്റായി മാറിയിരിക്കുകയാണ്.

റിലീസിന്റെ ആദ്യ അഞ്ച് ദിവസങ്ങളിൽ തന്നെ 90 കോടി ആഗോള ഗ്രോസ് നേടിയ ‘ആട് 3’, പിന്നീട് വേഗത്തിൽ 100 കോടി ക്ലബ് മലയാളം സിനിമ ലിസ്റ്റിൽ ഇടം പിടിച്ചു. കേരള ബോക്സ് ഓഫീസ് കളക്ഷൻ 35 കോടി കടന്നു എന്നാണ് റിപ്പോർട്ട്.

ഗൾഫ് മാർക്കറ്റിൽ നിന്ന് 50 കോടി കളക്ഷൻ പ്രതീക്ഷിക്കുന്ന ചിത്രം, വിദേശത്തും മികച്ച പ്രതികരണം നേടി. ആട് 3 ആഗോള ബോക്സ് ഓഫീസ് ട്രെൻഡിംഗ് ആയി മാറിയതോടെ കൂടുതൽ സ്ക്രീനുകളും ഷോകളും കൂട്ടിച്ചേർക്കപ്പെട്ടു.

ബുക്ക് മൈ ഷോ ട്രെൻഡിങ് മലയാള സിനിമ പട്ടികയിൽ മുൻപന്തിയിൽ തുടരുന്ന ചിത്രം, ലോകമെമ്പാടും ഹൗസ്ഫുൾ പ്രദർശനങ്ങൾ ആണ് നടത്തുന്നത്. കുടുംബ പ്രേക്ഷകരുടെ വലിയ പിന്തുണയാണ് ചിത്രത്തിന്റെ വിജയത്തിന് പിന്നിൽ എന്ന് അണിയറപ്രവർത്തകർ.

ജയസൂര്യയെ കൂടാതെ വിനായകൻ, ഇന്ദ്രൻസ്, ധർമജൻ ബോൾഗാട്ടി, സണ്ണി വെയ്ൻ, സൈജു കുറുപ്പ് തുടങ്ങിയവരാണ് പ്രധാന വേഷങ്ങളിൽ എത്തുന്നത്. ചിരിയും ഫാന്റസിയും നിറഞ്ഞ എന്റർടെയ്‌നർ സിനിമയായ ‘ആട് 3’, പ്രേക്ഷകർക്ക് ഒരു പക്കാ തീയേറ്റർ ഫൺ റൈഡ് ആണ് സമ്മാനിക്കുന്നത്.

എക്സിക്യൂട്ടീവ് പ്രൊഡ്യൂസർ - വിനയ് ബാബു, ഛായാഗ്രഹണം - അഖിൽ ജോർജ്ജ്, മ്യൂസിക്, ഒറിജിനൽ തീം - ഷാൻ റഹ്മാൻ, പശ്‌ചാത്തല സംഗീതം, ന്യൂ തീം- ഡോൺ വിൻസെന്റ്, എഡിറ്റർ - ലിജോ പോൾ, ലൈൻ പ്രൊഡ്യൂസർ -ഗോപകുമാർ ജി.കെ., പ്രൊഡക്ഷൻ കൺട്രോളർ- ഷിബു ജി. സുശീലൻ, പ്രൊഡക്ഷൻ ഡിസൈനർ- അനീസ് നാടോടി, മേക്കപ്പ്- റോണെക്സ് സേവ്യർ, കോസ്റ്റ്യൂം ഡിസൈനർ- സ്റ്റെഫി സേവ്യർ, ക്രിയേറ്റീവ് ഡയറക്ടർ- വിഷ്ണു ഭരതൻ, വിഎഫ്എക്സ് ഡയറക്ടർ - ജിഷ്ണു ആർ. ദേവ്, സൗണ്ട് ഡിസൈൻ- കിഷൻ മോഹൻ (സപ്ത റെക്കോർഡ്‌സ്), വരികൾ- മനു മൻജിത്, ചീഫ് അസ്സോസിയേറ്റ് ഡിറക്ടർസ്: പ്രേംനാഥ്, റോബിൻ വർഗീസ്, ഡിഐ ഹ്യൂസ് & ടോൺസ് കളർ ഹബ് കളറിസ്റ്റ്- ഷൺമുഖപാണ്ഡ്യൻ എം., സ്റ്റിൽ ഫോട്ടോഗ്രാഫി - വിഷ്ണു എസ്. രാജൻ, ടൈറ്റിൽ ഡിസൈൻസ് - കോളിൻസ് ലിയോഫിൽ, പബ്ലിസിറ്റി ഡിസൈൻ- എയ്സ്തെറ്റിക് കുഞ്ഞമ്മ, പി.ആർ.ഒ. ആൻഡ് മാർക്കറ്റിങ്- വൈശാഖ് സി. വടക്കേവീട്, ജിനു അനിൽകുമാർ.