മാർക്കോയ്ക്ക് ശേഷം ഉണ്ണി മുകുന്ദന്റെ ആക്ഷൻ ചിത്രം ജോഷി സംവിധാനം ചെയ്യും; ചിത്രത്തിന് ആരംഭം

ഉണ്ണി മുകുന്ദൻ ഫിലിംസിന്റെ ബാനറിൽ ഉണ്ണി മുകുന്ദൻ, ഐൻസ്റ്റിൻ മീഡിയയുടെ ബാനറിൽ ഐൻസ്റ്റിൻ സാക് പോൾ എന്നിവർ ചേർന്നാണ് ചിത്രം നിർമ്മിക്കുന്നത്. പൊറിഞ്ചു മറിയം ജോസിന് ശേഷം അഭിലാഷ് എൻ. ചന്ദ്രൻ തിരക്കഥയും സംഭാഷണവുമെഴുതുന്നു.

പാൻ-ഇന്ത്യൻ ബ്ലോക്ക്ബസ്റ്ററായ മാർക്കോയുടെ റെക്കോർഡ് വിജയത്തിന് ശേഷം ഉണ്ണി മുകുന്ദൻ അഭിനയിക്കുന്ന ആദ്യ ചിത്രം, മലയാളത്തിലെ എക്കാലത്തെയും ഹിറ്റ് മേക്കർ ജോഷിയോടൊപ്പമാണെന്ന പ്രത്യേകതയുമുണ്ട്. ഉണ്ണി മുകുന്ദൻ ഈ ചിത്രത്തിനു വേണ്ടി ഒരു മാസത്തിലധികം ദുബായിൽ ട്രെയ്നിങിലായിരുന്നു. ഇന്ത്യൻ ചലച്ചിത്ര ലോകത്തെ ആകമാനം ആവേശഭരിതമാക്കുന്ന ജോഷി- ഉണ്ണി മുകുന്ദൻ ചിത്രത്തിൻ്റെ ടൈറ്റിൽ പ്രകാശനം ഉടൻ ഉണ്ടാകുമെന്ന് അണിയറപ്രവർത്തകർ അറിയിച്ചു. പി.ആർ.ഒ.- എ.എസ്. ദിനേശ്.