മാസ്സ് പരിവേഷത്തിൽ കീർത്തി സുരേഷ്; തമിഴ് ചിത്രം 'റിവോൾവർ റിറ്റ' നവംബർ റിലീസ്

കീർത്തി സുരേഷ് (Keerthy Suresh) മാസ്സ് പരിവേഷത്തിൽ എത്തുന്ന തമിഴ് ചിത്രം 'റിവോൾവർ റിറ്റ' (Revolver Rita) നവംബർ 28-ന് റിലീസിനൊരുങ്ങുന്നു. കീർത്തിയുടെ ഇതുവരെയുള്ള ചിത്രങ്ങളിൽ നിന്നും തികച്ചും വ്യത്യസ്തമായ ഒരു പ്രമേയത്തിലാണ് ഈ ചിത്രം ഒരുങ്ങുന്നത്. ആക്ഷൻ, നർമ്മം, നിഗൂഢത എന്നിവ കൂട്ടിക്കലർത്തി കഴിഞ്ഞ വർഷം ഒക്ടോബറിൽ പുറത്തുവന്ന ചിത്രത്തിന്റെ ടീസർ പ്രേക്ഷകർക്ക് ഒരു മുഴുനീള എന്റർടൈനർ പ്രതീക്ഷിക്കാമെന്നുള്ള സൂചനകൾ നൽകിയിരുന്നു. ഒപ്പം തന്നെ കീർത്തിയുടെ ജന്മദിനമായ ഒക്ടോബർ 17-ന്, ചിത്രത്തിലെ 'ഹാപ്പി ബർത്തഡേ' എന്ന് തുടങ്ങുന്ന ലിറിക്കൽ ഗാനം ചിത്രത്തിന്റെ അണിയറപ്രവർത്തകർ പുറത്തിറക്കി.