Officer On Duty | ഓഫീസർ ഓൺ ഡ്യൂട്ടി 50 കോടിയിൽ; കുഞ്ചാക്കോ ബോബന്റെ കരിയറിൽ വീണ്ടും 50 കോടി ക്ലബ്
- Published by:meera_57
- news18-malayalam
Last Updated:
ഒരു പോലീസുകാരന്റെയും പിതാവിന്റെയും മാനസിക സംഘർഷങ്ങൾ ഉൾപ്പെടെ ആദ്യാവസാനം കുഞ്ചാക്കോ ബോബൻ നിറഞ്ഞുനിന്ന ചിത്രം
മൂന്നാം വാരത്തിലേക്ക് കടക്കുന്ന കുഞ്ചാക്കോ ബോബൻ (Kunchacko Boban) ചിത്രം 'ഓഫീസർ ഓൺ ഡ്യൂട്ടി' (Officer on Duty) 50 കോടി ക്ലബിൽ. 'ന്നാ താൻ കേസ് കൊട്' എന്ന ചാക്കോച്ചൻ ചിത്രവും ബോക്സ് ഓഫീസിൽ 50 കോടി രൂപ നേടിയ റെക്കോർഡ് ഇട്ടിരുന്നു. ഒരു പോലീസുകാരന്റെയും പിതാവിന്റെയും മാനസിക സംഘർഷങ്ങൾ ഉൾപ്പെടെ ആദ്യാവസാനം കുഞ്ചാക്കോ ബോബൻ എന്ന നടന്റെ അതുല്യ പ്രകടനം സമ്മാനിക്കുന്ന ചിത്രം റിലീസ് ദിനം മുതൽ ടിക്കറ്റ് വില്പനയിൽ ട്രെൻഡിങ്ങിലായിരുന്നു.
കുഞ്ചാക്കോ ബോബന്റെ കരിയർ ഹിറ്റായി മാറിയ ഓഫീസർ ഓൺ ഡ്യൂട്ടിയിൽ ഓരോ കഥാപാത്രത്തേയും അവതരിപ്പിച്ച താരങ്ങൾ മികച്ച പ്രകടനമാണ് നടത്തിയിരിക്കുന്നത്. കുടുംബ പ്രേക്ഷകരും യുവാക്കളും സഹർഷം സ്വീകരിച്ച ചിത്രം ലോകവ്യാപകമായി റിലീസ് കേന്ദ്രങ്ങളിൽ വൻ വിജയമാകുകയാണ്. ഗ്രീൻ റൂം പ്രൊഡക്ഷൻസിലൂടെ ഡ്രീം ബിഗ് ഫിലിംസാണ് ‘ഓഫീസർ ഓൺ ഡ്യൂട്ടി’ ഇന്ത്യയിലെ തിയേറ്ററുകളിൽ വിതരണത്തിന് എത്തിക്കുന്നത്.
നായാട്ട് , ഇരട്ട എന്നീ ചിത്രങ്ങളിലെ അഭിനയത്തിലൂടെ പ്രേക്ഷക ശ്രദ്ധ ആകർഷിച്ച നടനായ ജിത്തു അഷ്റഫാണ് ഓഫീസർ ഓൺ ഡ്യൂട്ടിയുടെ സംവിധായകൻ. ‘ഇരട്ട’ എന്ന ചിത്രത്തിന്‍റെ കോ ഡയറക്ടർ കൂടിയാണ് ജിത്തു അഷ്‌റഫ്‌. മാർട്ടിൻ പ്രക്കാട്ട് ഫിലിംസ്, ഗ്രീൻ റൂം പ്രൊഡക്ഷൻസ് എന്നീ കമ്പനികളുടെ ബാനറിൽ മാർട്ടിൻ പ്രക്കാട്ട്, സിബി ചാവറ, രഞ്ജിത്ത് നായർ എന്നിവ‍‍ര്‍ ചേർന്നാണ് സിനിമയുടെ നിർമ്മാണം.
advertisement
‘പ്രണയ വിലാസ’ത്തിന് ശേഷം ഈ ടീം വീണ്ടും ഒന്നിക്കുന്ന സിനിമയാണിത്. ‘ജോസഫ്’, ‘നായാട്ട്’ സിനിമകളുടെ തിരക്കഥാകൃത്തും ‘ഇലവീഴപൂഞ്ചിറ’യുടെ സംവിധായകനുമായ ഷാഹി കബീറാണ് സിനിമയുടെ തിരക്കഥയൊരുക്കുന്നത്. ഗ്രീൻ റൂം പ്രൊഡക്ഷൻസിലൂടെ ഡ്രീം ബിഗ് ഫിലിംസാണ് ചിത്രം വിതരണത്തിന് എത്തിക്കുന്നത്.
‘കണ്ണൂർ സ്‌ക്വാഡി’ന്‍റെ സംവിധായകൻ റോബി വർഗീസ് രാജാണ് ചിത്രത്തിനായി ക്യാമറ ചലിപ്പിക്കുന്നത്. ചമൻ ചാക്കോ ചിത്രസംയോജനവും ജേക്ക്സ് ബിജോയ് സംഗീത സംവിധാനവും നിർവ്വഹിക്കുന്നു. കുഞ്ചാക്കോ ബോബൻ, പ്രിയാമണി എന്നിവർ കേന്ദ്ര കഥാപാത്രങ്ങളിലെത്തുന്ന ചിത്രത്തിൽ ജഗദീഷും വിശാഖ് നായരും പ്രധാന വേഷങ്ങളിലെത്തുന്നു.
advertisement
മനോജ് കെ.യു., ശ്രീകാന്ത് മുരളി, ഉണ്ണി ലാലു, ജയ കുറുപ്പ്, വൈശാഖ് ശങ്കർ, റംസാൻ, വിഷ്ണു ജി. വാരിയർ, ലയ മാമൻ, ഐശ്വര്യ, അമിത് ഈപൻ തുടങ്ങിയവരാണ് ചിത്രത്തിലെ മറ്റ് താരങ്ങള്‍.
Summary: Kunchacko Boban movie 'Officer on Duty' enters the Rs 50 crore box office before it is into the third week after release. This is the second movie of the actor after 'Nnaa Thaan Case Kodu' to enter the 50 crore club
സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
March 06, 2025 2:39 PM IST
മലയാളം വാർത്തകൾ/ വാർത്ത/Film/
Officer On Duty | ഓഫീസർ ഓൺ ഡ്യൂട്ടി 50 കോടിയിൽ; കുഞ്ചാക്കോ ബോബന്റെ കരിയറിൽ വീണ്ടും 50 കോടി ക്ലബ്
