സാങ്കേതികതയുടെ സാങ്കല്പിക ലോകം; വിസ്മയം തീർത്ത് ടെക് സിനിമ 'സൈബർ' ഫസ്റ്റ് ലുക്ക് പുറത്ത്

ഹോളിവുഡ് സിനിമകളെ അനുസ്മരിപ്പിക്കുന്ന രീതിയിലുള്ള പോസ്റ്ററുമായി സൈബർ സിനിമയുടെ ഫസ്റ്റ് ലുക്ക് തരംഗമാകുന്നു. ചന്തുനാഥ്, പ്രശാന്ത് മുരളി, ജീവ, സെറീന എന്നിവർ പ്രധാന കഥാപാത്രങ്ങളായെത്തുന്ന ചിത്രം ഒരു സൈബർ ത്രില്ലറായാണ് ഒരുങ്ങുന്നത്. കെ ഗ്ലോബൽ ഫിലിംസും റൂട്ട് പ്രൊഡക്ഷൻസും ചേർന്നാണ് ചിത്രം അവതരിപ്പിക്കുന്നത്. നവാഗതനായ മനു കൃഷ്ണ സംവിധാനം ചെയ്യുന്ന ചിത്രം ജി കെ പിള്ളയും ശാന്ത ജി പിള്ളയും ചേർന്നാണ് നിർമിക്കുന്നത്. സൈബർ ലോകത്തിന്റെ പുത്തൻ സാങ്കല്പിക ലോകം കാണിക്കുന്നതിനൊപ്പം കുറ്റകൃത്യവും അന്വേഷണവും ചിത്രത്തിൽ ഉണ്ടാവുമെന്നും പോസ്റ്റർ സൂചന തരുന്നുണ്ട്.