Chotta Mumbai 4k: തീയേറ്റർ പൂരപ്പറമ്പാക്കാൻ തലയും പിള്ളേരും എത്തുന്നു; ഛോട്ടാ മുംബൈ റീ റിലീസ്
- Published by:ASHLI
- news18-malayalam
Last Updated:
18 വർഷങ്ങൾക്കിപ്പുറം മോഹൻലാലിന്റെ ജന്മദിനത്തിലാണ് ചിത്രം റീ റിലീസ് ചെയ്യുന്നത്
കൊച്ചി: തീയേറ്റർ പൂരപ്പറമ്പാക്കാൻ തലയും പിള്ളേരും എത്തുന്നു. മോഹൻലാൽ ചിത്രമായ ഛോട്ടാ മുംബൈ മെയ് 21ന് വീണ്ടും തിയേറ്ററുകളിലേക്ക്. 18 വർഷങ്ങൾക്കിപ്പുറം മോഹൻലാലിന്റെ ജന്മദിനത്തിലാണ് ചിത്രം റീ റിലീസ് ചെയ്യുന്നത്.
റീ റിലീസ് പോസ്റ്റർ മോഹൻലാൽ സോഷ്യൽ മീഡിയയിൽ പങ്കുവെച്ചു. 2007ൽ അൻവർ റഷീദ് സംവിധാനം ചെയ്ത ഈ ചിത്രത്തിന്റെ രചന ബെന്നി പി നായരമ്പലമാണ് നിർവഹിച്ചത്. മണിയൻ പിള്ള രാജു നിർമ്മിച്ച ചിത്രം 4k ഡോൾബി അറ്റ്മോസിൽ റിമാസ്റ്റർ ചെയ്യുന്നു.
'തല' എന്ന് സുഹൃത്തുകൾ വിളിക്കുന്ന വാസ്കോ ഡ ഗാമ എന്ന കഥാപാത്രത്തെയാണ് മോഹൻലാൽ ചിത്രത്തിൽ അവതരിപ്പിച്ചത്. ഭാവന, കലാഭവൻ മണി, വിനായകൻ, ജഗതി, രാജൻ പി ദേവ്, സിദ്ദിഖ്, ബിജുക്കുട്ടൻ, മണിക്കുട്ടൻ, സായ്കുമാർ എന്നിവരൊക്കെ പ്രധാന വേഷങ്ങളിൽ അഭിനയിച്ചു. സ്ഫടികം, ദേവദൂതൻ, മണിച്ചിത്രത്താഴ് എന്നീ ചിത്രങ്ങൾക്ക് ശേഷം രീ-റിലീസ് ചെയ്യുന്ന മോഹൻലാൽ ചിത്രമാണ് ഛോട്ടാ മുംബൈ.
Click here to add News18 as your preferred news source on Google. സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
Kochi [Cochin],Ernakulam,Kerala
First Published :
May 05, 2025 6:15 PM IST
മലയാളം വാർത്തകൾ/ വാർത്ത/Film/
Chotta Mumbai 4k: തീയേറ്റർ പൂരപ്പറമ്പാക്കാൻ തലയും പിള്ളേരും എത്തുന്നു; ഛോട്ടാ മുംബൈ റീ റിലീസ്
