പ്രധാന മന്ത്രിയുടെ വേഷത്തിൽ മോഹൻലാൽ?

കെ.വി. ആനന്ദിന്റെ തമിഴ് ചിത്രത്തിൽ പ്രധാന മന്ത്രിയുടെ വേഷത്തിൽ മോഹൻലാലെന്നു സൂചന. ഇന്റർനെറ്റിൽ പ്രചരിക്കുന്ന ഫോട്ടോ ഏറ്റെടുത്തു കഴിഞ്ഞിരിക്കുന്നു ആരാധക ലോകം. സൂര്യ നായകനാവുന്ന സൂര്യ 37 എന്നു താൽക്കാലികമായി പേരിട്ടിരിക്കുന്ന ചിത്രത്തിൽ ലാലുമുണ്ടെന്ന വാർത്ത വന്നിട്ട് ഏറെ നാളായി. ചന്ദ്രകാന്ത് വർമ്മ എന്നാണു കഥാപാത്രത്തിന്റെ പേര്. വില്ലനിൽ പരിചിതമായ സാൾട് ആൻഡ് പെപ്പർ ലുക്കാവും ചിത്രത്തിൽ ലാലിനെന്നു പറയുന്നു.