ഒറ്റ ഷെഡ്യൂളിൽ താര ചിത്രത്തിന്റെ തകർപ്പൻ ആക്ഷൻ; 'കട്ടപ്പ' വീണ്ടും

ആ സന്തോഷം മലയാളി കൂടിയായ നിർമ്മാതാവ് സജീവ് മീര സാഹിബ് റാവുത്തർ പങ്കു വയ്ക്കുന്നു. "ആദ്യ ഷെഡ്യൂൾ പൂർത്തീകരിച്ചതിൽ സന്തോഷം. ചിത്രത്തിന്റെ പ്രധാന ഭാഗങ്ങൾ എല്ലാം തന്നെ ചിത്രീകരിച്ചു കഴിഞ്ഞു. ഒട്ടേറെ ആക്ഷൻ രംഗങ്ങൾ നിറഞ്ഞ ഷൂട്ടിംഗ് ആയിരുന്നു. ദിനേശ് സുബ്ബരായൻ ആണ് സംഘട്ടനം. പല ആക്ഷൻ രംഗങ്ങളും ഇതിനു മുൻപ് കണ്ടിട്ടില്ലാത്തവയാണ്. സത്യരാജ് സാർ വളരെ ആസ്വദിച്ചാണ് അഭിനയിച്ചത്. അതെന്നെ അത്ഭുതപ്പെടുത്തിക്കളഞ്ഞു. ശേഷിക്കുന്ന ഭാഗങ്ങൾ മാർച്ചിൽ ചിത്രീകരിച്ചു ഈദിന് റിലീസ് ചെയ്യാൻ ആണ് ഉദ്ദേശിക്കുന്നത്." കേരളത്തിൽ മലയാളം റിലീസ് ഉണ്ടാവും.

നിയമം നീതി നൽകാതാവുമ്പോൾ, വ്യക്തികളിൽ ഉണ്ടാവുന്ന രോഷം പ്രമേയമാക്കിയുള്ള ചിത്രമാണ്. മോൺസ്‌ട്രോ 8K വിസ്ത വിഷൻ, വെപ്പൺ 8K ഹീലിയം ക്യാമറകൾ ആദ്യമായി തെന്നിന്ത്യൻ സിനിമയിൽ ഉപയോഗിച്ച് ചിത്രീകരിച്ചു എന്നൊരു പ്രത്യേകത കൂടിയുണ്ട്. ധീരന്റെ കന്നി സംവിധാന സംരംഭമാണ്.