ഒന്നിച്ച് യാത്ര ചെയ്യുന്ന ഋഷി കപൂറും ഇർഫാൻ ഖാനും; ഹൃദയസ്പർശിയായ ചിത്രം വൈറൽ

Published by:user_57
news18-malayalam

Last Updated:Apr 30, 2020 12:21 PM IST

A snap from Irrfan Khan and Rishi Kapoor movie goes viral | ജീവിതത്തിലെ ആക്സമികത നിറഞ്ഞ വെള്ളിത്തിരയിലെ നിമിഷം ഏറ്റെടുത്ത് ആരാധകർ

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

ക്യാൻസറിന്റെ പിടിയിലകപ്പെട്ട രണ്ട് പ്രിയ താരങ്ങളുടെ വിയോഗം അടുത്തടുത്ത ദിവസങ്ങളിൽ ഏൽക്കേണ്ടി വന്നതിന്റെ ആഘാതത്തിലാണ് ഇന്ത്യൻ സിനിമയും സിനിമാ പ്രേക്ഷകരും. കഴിഞ്ഞ ദിവസമാണ് മുംബൈയിൽ നടൻ ഇർഫാൻ ഖാനെ ഒരു വർഷത്തിലേറെയായി വേട്ടയാടിക്കൊണ്ടിരുന്ന കുടലിലെ കാൻസർ തട്ടിയെടുത്തത്.

കണ്ടു കൊതിതീരും മുൻപുള്ള ആ വേർപാടിന് തൊട്ടുപിന്നാലെ അഭിനയ തറവാട്ടിലെ കരണവന്മാരിൽ ഒരാളായ ഋഷി കപൂറിനേയും കാൻസർ തട്ടിയെടുത്തെന്ന വാർത്ത കേൾക്കേണ്ടി വന്നു.

Also read: Irrfan Khan | പാതിവഴിയിൽ ഓട്ടം നിലച്ച അംഗ്രേസി മീഡിയം; ജീവിതയാത്ര അവസാനിച്ച നായകനും

ജീവിതത്തിലെ ആകസ്മികത വെളിവാക്കുന്ന, ഇവർ ഒന്നിച്ചുള്ള ചിത്രം, വൈറലാവുന്നു. 2013 ൽ റിലീസായ ഡി-ഡേ എന്ന സിനിമയിലാണ് ഋഷിയും ഇർഫാനും ഒന്നിച്ചഭിനയിച്ച ആ രംഗമുള്ളത്‌. അന്ത്യയാത്രയിലും ഇർഫാനൊപ്പം കൂടിയ ഋഷിയോട് ചേർന്നിരുന്ന് കാറിൽ യാത്ര ചെയ്യുന്നാണ് ഫോട്ടോയാണിത്.

Also read: കോവിഡ് കഴിഞ്ഞുള്ള നാളെയെന്തെന്ന് വ്യാകുലപ്പെടാൻ പ്രിയ 'ബോബി' ഇനിയില്ല; ബോളിവുഡിന് നഷ്‌ടങ്ങൾ നൽകി ഏപ്രിൽ വിടവാങ്ങുന്നു

പാകിസ്താനിലെ അധോലോക തലവന്റെ കഥാപാത്രത്തെയാണ് ഋഷി അവതരിപ്പിച്ചത്. ആരുമറിയാതെ ഇവരെ നിരീക്ഷിക്കുന്ന വാലി ഖാൻ എന്ന റോളായിരുന്നു ഇർഫാന്റേത്. ഒടുവിൽ അധോലോക നായകനെ പിടികൂടി ഇന്ത്യയിൽ എത്തിക്കുന്ന ദൗത്യം ഖാൻ വിജയകരമായി പൂർത്തിയാക്കുന്നു. നിഖിൽ അദ്വാനി സംവിധാനം ചെയ്ത ചിത്രമാണിത്.