ചീറിപ്പായാനൊരുങ്ങി ആസിഫ് അലി, സണ്ണി വെയ്ൻ, വിനായകൻ; 'കാസർഗോൾഡ്' തിയേറ്ററിലേക്ക്

ആസിഫ് അലി (Asif Ali), സണ്ണി വെയ്ൻ (Sunny Wayne), ഷൈൻ ടോം ചാക്കോ (Shine Tom Chacko), വിനായകൻ (Vinayakan), മാളവിക ശ്രീനാഥ്, ശ്രീരഞ്ജിനി നായർ എന്നിവരെ പ്രധാന കഥാപാത്രങ്ങളാക്കി മൃദുൽ നായർ കഥയെഴുതി സംവിധാനം ചെയ്യുന്ന  ‘കാസർഗോൾഡ്’ പ്രദർശനത്തിനൊരുങ്ങുന്നു. അതിനോടനുബന്ധിച്ച് ‘കാസർഗോൾഡി’ന്റെ പുതിയ പോസ്റ്റർ പുറത്തിറക്കി. സിദ്ദിഖ്, സമ്പത്ത് റാം, ദീപക് പറമ്പോൾ, ധ്രുവൻ, അഭിറാം രാധാകൃഷ്ണൻ, പ്രശാന്ത് മുരളി, സാഗർ സൂര്യ, ജെയിംസ് ഏലിയ തുടങ്ങിയവരാണ് മറ്റു പ്രധാന അഭിനേതാക്കൾ. സരിഗമ അവതരിപ്പിക്കുകയും, എൽഎൽപിയുമായി സഹകരിച്ച് മുഖരി എന്റർടൈയ്മെന്റിന്റെ ബാനറിൽ വിക്രം മെഹ്റ, സിദ്ധാർത്ഥ് ആനന്ദ് കുമാർ, സൂരജ് കുമാർ, റിന്നി ദിവാകർ എന്നിവർ ചേർന്ന് നിർമ്മിക്കുകയും ചെയ്യുന്ന ചിത്രമാണ് ‘കാസർഗോൾഡ്’.