'ദയ ബായി' വരുന്നു ;ചിത്രത്തിന്റെ ഫസ്റ്റ് ലുക്ക്

മലയാളിയായ ദയ ബായി എന്ന സാമൂഹിക പ്രവർത്തകയുടെ ജീവിത കഥ പറയുന്ന ഹിന്ദി സിനിമയാണ് ദയ ബായി. ചിത്രത്തിന്റെ ഫസ്റ്റ് ലുക്ക് സമൂഹ മാധ്യമങ്ങളിൽ പുറത്തു വന്നു. പാലാ പൂവരണി സ്വദേശി മേഴ്‌സി മാത്യു ഇന്ത്യ മുഴുവൻ അറിയപ്പെടുന്ന സാമൂഹിക പ്രവർത്തകയായ ദയബായി ആയി മാറിയ കഥയാണ് ഈ ചിത്രം നമ്മളോട് പറയുക. മധ്യ ഇന്ത്യയിലെ ഗോത്ര വിഭാഗങ്ങൾക്ക് വേണ്ടിയുള്ള ഇവരുടെ പ്രവർത്തനം ഇന്ത്യയിൽ ഉടനീളം പ്രശസ്തമാണ്. ഇവരുടെ ജീവിത കഥ പറയുന്ന ഹിന്ദി ചിത്രം എഴുതി സംവിധാനം ചെയ്യുന്നത് ശ്രീവരുണും നിർമ്മിക്കുന്നത് വെട്ടം മൂവീസിന്റെ ബാനറിൽ ഷൈസ് ഈപ്പനുമാണ്.