ദേഷ്യത്തിൽ പറയണ്ട... കണ്ണമ്മയും കോശിയും നേർക്കുനേർ കാണുന്ന രംഗത്തിലെ സംവിധായകൻ സച്ചിയെ പറ്റി ഗൗരി നന്ദ

സിനിമാ, പ്രേക്ഷക ലോകം ഞെട്ടലോടെ കേട്ട വാർത്തയാണ് സംവിധായകൻ സച്ചിയുടെ വിടവാങ്ങൽ. അതുവരെയുള്ള കരിയറിലെ മികച്ച ചിത്രമായ 'അയ്യപ്പനും കോശിയും' സമ്മാനിച്ച്, അതിന്റെ വിജയാഘോഷങ്ങൾ പോലും കെട്ടടങ്ങും മുൻപാണ് സംവിധായകന്റെ അകാല മരണം. കരിയറിലെ മികച്ച ബ്രേക്ക് ഈ സിനിമയിലൂടെ ലഭിച്ച താരമാണ് കണ്ണമ്മയുടെ കഥാപാത്രത്തെ ജീവിതഗന്ധിയായി അവതരിപ്പിച്ച ഗൗരി നന്ദ. സിനിമയിൽ പൃഥ്വിരാജ് കഥാപാത്രം കോശിയും ഗൗരിയുടെ കണ്ണമ്മയും നേർക്കുനേർ വരുന്ന ആ രംഗം ശ്രദ്ധേയമായിരുന്നു. ഈ രംഗത്തിന്റെ ചിത്രീകരണ വേളയിലെ സച്ചിയെന്ന സംവിധായകനെ ഗൗരി ഓർക്കുന്നു.