Chiranjeevi Sarja Passes Away | പ്രശസ്ത കന്നഡ നടൻ ചിരഞ്ജീവി സാർജ അന്തരിച്ചു

ബംഗളൂരു: പ്രശസ്ത കന്നഡ നടൻ ചിരഞ്ജീവി സാർജ അന്തരിച്ചു. 39 വയസ് ആയിരുന്നു. ഹൃദയാഘാതത്തെ തുടർന്ന് ഞായറാഴ്ച ആയിരുന്നു അന്ത്യം. കഴിഞ്ഞദിവസം ശ്വസനസംബന്ധമായ പ്രശ്നങ്ങൾ ഉണ്ടായിരുന്നു. തുടർന്ന് ആശുപത്രിയിൽ പ്രവേശിപ്പിച്ചു.

തുടർന്ന് ശക്തമായ നെഞ്ച് വേദനയും ശ്വാസതടസവും അനുഭവപ്പെട്ടു. ഡോക്ടർമാർ പരമാവധി ശ്രമിച്ചെങ്കിലും ജീവൻ നിലനിർത്താൻ കഴിഞ്ഞില്ല. ഹൃദയാഘാതത്തെ തുടർന്ന് മരണം സംഭവിക്കുകയായിരുന്നു.



ചിരഞ്ജീവി സാർജ ഭാര്യയ്ക്കൊപ്പം

അതേസമയം, കോവിഡ് 19ന്റെ പശ്ചാത്തലത്തിൽ സ്രവങ്ങൾ പരിശോധനയ്ക്കായി എടുത്ത് അയച്ചിട്ടുണ്ട്. രോഗബാധിതനായത് എന്തുകൊണ്ടാണെന്ന് വ്യക്തമായിട്ടില്ല.

ജയനഗറിലെ അപ്പോളോ ആശുപത്രിയിലാണ് ചിരഞ്ജീനി സർജയുടെ മൃതദേഹം ഇപ്പോൾ ഉള്ളത്.

2018ലാണ് നടി മേഘ്ന രാജുമായി ചിരഞ്ജീവി സർജ വിവാഹിതനായത്. 2009ൽ 'ആയുദപ്രാമ' എന്ന ചിത്രത്തിലൂടെയാണ് ചിരഞ്ജീവി സർജ സിനിമാജീവിതം ആരംഭിച്ചത്.