പുലിമുരുകനെക്കാളും വേഗത്തിൽ പാഞ്ഞു കൊച്ചുണ്ണി

കേവലം പത്തു ദിവസത്തിനുള്ളിൽ 55 കോടി രൂപ ബോക്സ് ഓഫീസിൽ മാത്രം കൊയ്തു കായംകുളം കൊച്ചുണ്ണി. ഏറ്റവും വേഗം വൻ തുക കൊയ്യുന്ന മലയാള സിനിമയെന്ന റെക്കോർഡാണു കൊച്ചുണ്ണി നേടിയിരിക്കുന്നത്. പുലിമുരുകന്റെ 100 കോടി ക്ലബ് കൊച്ചുണ്ണി ഭേദിക്കുമോയെന്നു കാത്തിരിക്കുകയാണു സിനിമാ ലോകം. ആദ്യ ദിനം തന്നെ വൻ നേട്ടമായിരുന്നു കൊച്ചുണ്ണിക്ക്‌. അഞ്ചു കോടി മൂന്നു ലക്ഷം രൂപയാണ് ചിത്രം ആദ്യ ദിവസം കൊണ്ടു തന്നെ നേടിയത്. മുടക്കു മുതലായ 45 കോടി രൂപ ഇതിനോടകം തന്നെ തിരിച്ചു പിടിച്ചു കഴിഞ്ഞു ഈ ചിത്രം. ഗോകുലം ഗോപാലനാണു നിർമ്മാതാവ്.