• HOME
  • »
  • NEWS
  • »
  • film
  • »
  • RDX movie | യുവതാരങ്ങൾ അണിനിരക്കുന്ന ആർ.ഡി.എക്സിന് ചിങ്ങം ഒന്നിന് തുടക്കം

RDX movie | യുവതാരങ്ങൾ അണിനിരക്കുന്ന ആർ.ഡി.എക്സിന് ചിങ്ങം ഒന്നിന് തുടക്കം

ഷെയ്ൻ നിഗം, ആൻ്റണി വർഗീസ്, നീരജ് മാധവ് എന്നിവരും മറ്റൊരു പ്രധാന വേഷമഭിനയിക്കുന്ന ലാലും പങ്കെടുത്തു

പൂജാവേളയിൽ നിന്നും

പൂജാവേളയിൽ നിന്നും

  • Last Updated :
  • Share this:
    ചിങ്ങ മാസം ഒന്നിന് ആർ.ഡി.എക്സ്. (RDX) എന്ന ചിത്രത്തിന് കൊച്ചിയിലെ ഇടപ്പള്ളി അഞ്ചുമന ദേവീക്ഷേത്രത്തിൽ തുടക്കമായി. വീക്കെൻ്റ് ബ്ലോക്ക് ബസ്റ്ററിൻ്റെ ബാനറിൽ സോഫിയാ പോൾ നിർമ്മിച്ച് നവാഗതനായ നഹാസ് ഹിദായത്ത് കഥയെഴുതി സംവിധാനം ചെയ്യുന്ന ചിത്രമാണിത്. നിർമ്മാതാവ് സോഫിയാ പോളിൻ്റെ മാതാവ് ആഗ്നസ് ആൻ്റണി സ്വിച്ചോൺ കർമ്മം നിർവ്വഹിച്ചു. സംവിധായകൻ നഹാസ് ഹിദായത്തിൻ്റെ മാതാവ് ബീന ഫസ്റ്റ് ക്ലാപ്പും നൽകി.

    ഷെയ്ൻ നിഗം, ആൻ്റണി വർഗീസ്, നീരജ് മാധവ് എന്നിവരും മറ്റൊരു പ്രധാന വേഷമഭിനയിക്കുന്ന ലാലും പങ്കെടുത്തു. 'വിക്രം' ഉൾപ്പടെ ബിഗ് ബഡ്ജറ്റ് ചിത്രങ്ങളുടെ സംഘട്ടന സംവിധായകരായ അൻപ് വിവിൻ്റെ സാന്നിദ്ധ്യവും പ്രത്യേകത പകർന്നു. അൻപ് അറിവാണ് ഈ ചിത്രത്തിനു സംഘട്ടനമൊരുക്കുന്നത്.

    പവർ ആക്ഷൻ ചിത്രമെന്നു വിശേഷിപ്പിക്കാവുന്ന ഈ ചിത്രം റോബർട്ട്, ഡോണി, സേവ്യർ എന്നീ മൂന്ന് സുഹൃത്തുക്കളുടെ കഥ പറയുന്നു. വലിയ മുതൽമുടക്കിൽ ഒരുങ്ങുന്ന ഒരു പാൻ ഇന്ത്യൻ ചിത്രം കൂടിയാണിത്. ഐമാ റോസ്മിയും മഹിമാ നമ്പ്യാരുമാണ് നായികമാർ.

    ഷബാസ് റഷീദ് - ആദർശ് സുകുമാരൻ എന്നിവരുടേതാണു തിരക്കഥ. 'കൈതി', 'വിക്രം വേദ' തുടങ്ങിയ ചിത്രങ്ങളിലൂടെ ഏറെ ശ്രദ്ധേയനായ സാം സി.എസ്. ആണ് സംഗീത സംവിധായകൻ. വരികൾ: മനു മഞ്ജിത്ത്. അലക്സ് ജെ. പുളിക്കൽ ഛായാഗ്രഹണവും റിച്ചാർഡ് കെവിൻ എഡിറ്റിംഗും നിർവ്വഹിക്കുന്നു. കൊച്ചിയിലാണ് ചിത്രീകരണം.

    കലാസംവിധാനം- പ്രശാന്ത് മാധവ്, മേക്കപ്പ് - റോണക്സ് സേവ്യർ, കോസ്റ്റിയൂം ഡിസൈൻ- ധന്യാ ബാലകൃഷ്ണൻ, അസ്സോസ്സിയേറ്റ് ഡയറക്ടർ- വിശാഖ്, നിർമ്മാണ നിർവ്വഹണം - ജാവേദ് ചെമ്പ്, പി.ആർ.ഒ.- വാഴൂർ ജോസ്, സ്റ്റിൽസ് - ബോണി.



    Also read: അമ്പതിലേറെ താരങ്ങൾ;അമ്പതിനായിരത്തിലേറെ അഭിനേതാക്കൾ; 'പത്തൊമ്പതാം നൂറ്റാണ്ട്' മേക്കിങ് വീഡിയോ

    പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് വിനയൻ ഒരുക്കുന്ന ബ്രഹ്മാണ്ഡ ചിത്രം പത്തൊമ്പതാം നൂറ്റാണ്ട്. ഇപ്പോഴിതാ ചിത്രത്തിന്‍റെ മേക്കിംഗ് വീഡിയോ പുറത്തുവിട്ടിരിക്കുകയാണ് അണിയറക്കാര്‍. പത്തൊമ്പതാം നൂറ്റാണ്ടിലെ നവോത്ഥാന നായകനായ ആറാട്ടുപുഴ വേലയുധപണിക്കരുടെ കഥ പറയുന്ന ഈ ചിത്രം ​ശ്രീ ​ഗോകുലം മൂവീസിന്റെ ബാനറിൽ ​ഗോകുലം ​ഗോപാലനാണ് നിർമ്മിച്ചിരിക്കുന്നത്. അന്‍പതില്‍ അധികം അഭിനേതാക്കളുള്ള ചിത്രത്തില്‍ അന്‍പതിനായിരത്തില്‍ അധികം എക്സ്ട്രാ അഭിനേതാക്കളും പങ്കാളികളായിട്ടുണ്ട്.

    സിജു വിൽസൺ വേലായുധപണിക്കരെ അവതരിപ്പിച്ച ഈ ചിത്രം തിരുവോണ ദിനമായ സെപ്തംബർ 8ന് കേരളത്തിൽ തീയറ്ററുകളിലെത്തും. 'പത്തൊൻപതാം നൂറ്റാണ്ട് എന്ന സിനിമ ഒരുപാട് ആളുകളുടെ രണ്ടു വർഷത്തിലേറെയുള്ള അധ്വാനത്തിന്റെയും, സിനിമയെന്ന ആവേശത്തിന്റെയും ഫലമായി ഉണ്ടായ സൃഷ്ടിയാണ്. ഇതു വരെ നമ്മുടെ ചരിത്രസിനിമകളിലൊന്നും പ്രതിപാദിക്കാത്ത ആ കാലഘട്ടത്തിലെ വളരെ തീക്ഷ്ണമായ ചില വിഷയങ്ങളും.അധസ്ഥിത ജനതയ്ക്കു വേണ്ടി അന്ന് ധീര പോരാട്ടം നടത്തിയ ഒരു നവോത്ഥാന നായകൻെറ ജീവിതവുമാണ് ഈ സിനിമയിലൂടെ പറയുന്നത്. ഈ സിനിമ സാക്ഷാത്കരിക്കാൻ അക്ഷീണ പരിശ്രമം നടത്തിയ എല്ലാ സഹപ്രവർത്തകരേയും അഭിനന്ദിക്കുന്നു' സംവിധായകന്‍ വിനയൻ കുറിച്ചു.
    Published by:user_57
    First published: