Manjummal Boys | സൗബിനും ഭാസിയും; 'മഞ്ഞുമ്മൽ ബോയ്സ്' കൊടൈക്കനാലിൽ

സൗബിൻ ഷാഹിറും (Soubin Shahir) ശ്രീനാഥ് ഭാസിയും (Sreenath Bhasi) കേന്ദ്ര കഥാപാത്രങ്ങളായി എത്തുന്ന ‘മഞ്ഞുമ്മൽ ബോയ്സിൻ്റെ’ ചിത്രീകരണം കൊടൈക്കനാലിൽ ആരംഭിച്ചു. ‘ജാൻ-എ-മൻ’ എന്ന ചിത്രത്തിന് ശേഷം ചിദംബരം സംവിധാനം ചെയ്യുന്ന സിനിമ കൂടിയാണിത്. ‘പറവ’, ‘കുമ്പളങ്ങി നൈറ്റ്സ്’, ‘ഭീഷ്മ പർവ്വം’ എന്നീ സിനിമകൾക്ക് ശേഷം ശ്രീനാഥ് ഭാസിയും സൗബിൻ ഷാഹിറും ഒന്നിക്കുന്ന ചിത്രമാണ് ‘മഞ്ഞുമ്മൽ ബോയ്സ്’. ‘പറവ’ ഫിലിംസിൻ്റെ ബാനറിൽ ബാബു ഷാഹിർ, സൗബിൻ ഷാഹിർ, ഷ്വാൻ ആൻ്റണി എന്നിവർ ചേർന്നാണ് ചിത്രം നിർമ്മിക്കുന്നത്. ഷൈജു ഖാലിദാണ് ചിത്രത്തിൻ്റെ ഛായാഗ്രഹണം.