മോഹൻലാലും പ്രേതത്തിലെ യഥാർത്ഥ മെൻറ്റലിസ്റ്റും ഒന്നിക്കുന്നു
Last Updated:
Mohanlal and mentalist Aathi unite for a theatre project | ഒരു രംഗാവതരണത്തിനായാണ് ഇരുവരും ഒത്തുചേരുന്നത്
മെൻറ്റലിസ്റ്റ് ആദിയെ സിനിമാപ്രേമികളിൽ കുറെ പേർക്കെങ്കിലും മനസ്സിലായിക്കാണും. മെൻറ്റലിസ്റ്റ് എന്ന പേര് ജനകീയമായതിൽ ഒരു പങ്ക് ആദിക്കും ഉണ്ട്. പ്രേതത്തിലെ ജോൺ ഡോൺ ബോസ്കോയെ വാർത്തെടുത്ത വ്യക്തി ഇദ്ദേഹമാണ്. രഞ്ജിത് ശങ്കർ സംവിധാനം ചെയ്ത പ്രേതം ഒന്നും രണ്ടും ഭാഗങ്ങളിൽ ഡോൺ ബോസ്കോയെ അവതരിപ്പിച്ചത് നടൻ ജയസൂര്യയാണ്. മുന്നിൽ നിൽക്കുന്ന ആളുടെ മനസ്സ് ഒരു പുസ്തകം പോലെ വായിക്കാൻ കഴിവുള്ള മനുഷ്യരാണ് മെൻറ്റലിസ്റ്റ്മാർ. ആദിയും മലയാളത്തിന്റെ പ്രിയ നടൻ മോഹൻലാലും ഇതാ ഒന്നിക്കുന്നു. സിനിമയല്ല. ഒരു രംഗാവതരണത്തിനായാണ് ഇരുവരും ഒത്തുചേരുന്നത്.
advertisement
ആദിയുടെ ജന്മദിനം കൂടിയായ മെയ് 23നാണ് പ്രഖ്യാപനം ഉണ്ടായത്. 'ഇൻ കോൺവെർസേഷൻ വിത്ത് ഫയർ ഫ്ളൈസ്' എന്നാണ് ഈ അവതരണത്തിന് പേരിട്ടിരിക്കുന്നത്. ഒരു കൊച്ചു പെൺകുട്ടി റാന്തൽ വിളക്കേന്തി ഇത്തിരി വെട്ടത്തിന് നടുവിലൂടെ നടന്നു നീങ്ങുന്ന പോസ്റ്റർ കൂടി കാണാം. നിഗൂഢത, സ്വപ്നം, വേദന, ധർമ്മസങ്കടം, നിലനിൽപ്പ് എന്നീ വാക്കുകൾ കൊണ്ടാണ് ഈ പ്രൊജക്റ്റിനെ വിശേഷിപ്പിച്ചിരിക്കുന്നത്. അറബിക്കഥകളിലെന്ന പോലെ ഭാവനാ പ്രപഞ്ചം സൃഷ്ടിക്കുന്ന ബറോസ് എന്ന പോർച്ചുഗീസ് കഥയുമായി മോഹൻലാൽ സംവിധാന രംഗത്തേക്ക് കടക്കുകയാണ്.
advertisement
Click here to add News18 as your preferred news source on Google. സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
First Published :
May 24, 2019 3:59 PM IST
