Nayanthara | നയൻ‌താര, ജയം രവി ചിത്രം 'ഇരൈവൻ' നാല് ഭാഷകളിലായി തിയേറ്ററിലേക്ക്

ജയം രവി (Jayam Ravi) – നയൻതാര (Nayanthara) ചിത്രം ‘ഇരൈവൻ’ (Iraivan) നാല് ഭാഷകളിലായി തിയെറ്ററുകളിലേക്ക്. പാഷൻ സ്റ്റുഡിയോസിന്റെ ബാനറിൽ സുധൻ സുന്ദരം, ജി ജയറാം എന്നിവർ നിർമിച്ച് ഐ. അഹമ്മദ്‌ സംവിധാനം ചെയ്യുന്ന ‘ഇരൈവൻ’ റിലീസിനൊരുങ്ങുകയാണ്. ഓഗസ്റ്റ് 25നാണ് ചിത്രം തിയെറ്ററിൽ റിലീസിനായി ഒരുങ്ങുന്നത്. പൊന്നിയിൻ സെൽവൻ 2 എന്ന വമ്പൻ വിജയത്തിന് ശേഷം തിയെറ്ററിൽ റിലീസ് ചെയ്യുന്ന ജയം രവിയുടെ ചിത്രം കൂടിയാവും ‘ഇരൈവൻ’. നയൻതാരയാണ് ചിത്രത്തിൽ നായികയായി എത്തുന്നത്. തമിഴ്, തെലുങ്ക്, കന്നഡ, മലയാളം എന്നിങ്ങനെ നാല് ഭാഷകളിലാണ് ചിത്രം റിലീസിനൊരുങ്ങുന്നത്.