മസിലു പിടിച്ചല്ല, നല്ല മസാല ഇട്ടു തന്നെയാ ഇളക്കുന്നത്; ഈദിന് പേളിയുടെ ബിരിയാണി

പേളിക്കെന്തറിയാം എന്നല്ല, പേളിയെ പറ്റി നിങ്ങൾക്ക് എന്തറിയാം എന്നാണ് ചോദ്യം. ഈ ഈദിന് പേളിയെ നോക്ക്. എത്ര പേർ ഇന്നിങ്ങനെ ചെയ്ത് കാണും? വലിയ ബിരിയാണി ചെമ്പിൽ കഷ്ടപ്പെട്ടു ബിരിയാണി പാകം ചെയ്യുകയാണ് പേളി മാണി. തട്ടമിട്ടു കൊണ്ട് ബിരിയാണി ചെമ്പിനടുത്ത് സന്തോഷത്തോടെ ഈദ് വിഭവം തയ്യാറാക്കുകയാണ് പ്രിയ പേളി. വിവാഹം കഴിഞ്ഞ് ഭർത്താവ് ശ്രീനിഷിനൊപ്പം ചേർന്നതോടു കൂടി നല്ലൊരു വീട്ടമ്മ കൂടിയാണ് താൻ എന്ന് തെളിയിക്കുകയാണ് താരം. അന്ന് ശ്രീനിഷിന്റെ വീട്ടിലെ പറമ്പിൽ കാട് വെട്ടി തെളിക്കുന്ന പേളിയുടെ വീഡിയോ ആരാധകർ ആഘോഷിച്ചിരുന്നു.

 

View this post on Instagram

 

Eid Mubarak.... to All. . . Also... it’s not easy to make biriyani 🔥🥵 I gave up after 15 seconds 😶 but I am good at eating biriyani 🤗🌸 . A special thanks to @shemyofficial @meminnsta for sending me this special salwar kameez for Eid. I love it 🌸🦋

A post shared by Pearle Maaney (@pearlemaany) on Jun 5, 2019 at 1:32am PDT

വിവാഹ ശേഷം നാട്ടിൻപുറത്തെ നാടൻ പെണ്ണായി മാറിയ പേളിയുടെ ദിനചര്യകൾ രസകരമായ ഇൻസ്റ്റാഗ്രാം സ്റ്റോറി വിഡിയോകളാക്കി ശ്രീനിഷ് അരവിന്ദ് പോസ്റ്റ് ചെയ്തിരുന്നു. നാട്ടിലെ തോട്ടത്തിൽ പണിയെടുത്തും, അവിടുത്തെ കുട്ടികളുമൊത്ത് കളിച്ചും, വീടിനുള്ളിൽ കാരംസ് കളിയിൽ കൂടിയും, നാട്ടിലെ അമ്പലത്തിൽ കുഞ്ഞിന്റെ ചോറൂണിൽ പങ്കെടുത്തും പാലക്കാടൻ നാട്ടിൻ പുറത്തെ ജീവിതം മതിയാവോളം ആസ്വദിക്കുന്ന പേളിയെ ആണ് ആ വീഡിയോകളിൽ കണ്ടത്. ശേഷം ഇവരുടെ ഹണിമൂൺ ട്രിപ്പ് ചിത്രങ്ങളും ഏറെ ചർച്ച ചെയ്യപ്പെട്ടിരുന്നു.

മെയ് 5ന് ആയിരുന്നു ക്രിസ്തീയ രീതി പ്രകാരമുള്ള ഇവരുടെ വിവാഹം. കൊച്ചി ചൊവ്വര പള്ളിയിലായിരുന്നു ചടങ്ങ്. ശേഷം സിയാൽ കൺവെൻഷൻ സെന്ററിൽ വിവാഹ സൽക്കാര ചടങ്ങുകൾ നടന്നു. വിവാഹ സൽക്കാര ചടങ്ങുകളിൽ സിനിമാ മേഖലയിലെ പ്രമുഖർ പങ്കെടുത്തിരുന്നു. പിന്നെ മെയ് 8ന് ഹൈന്ദവാചാര പ്രകാരമുള്ള വിവാഹ ചടങ്ങുകളും ഉണ്ടായിരുന്നു.