പോളണ്ട് എവിടെ കണ്ടാലും, ഒരക്ഷരം മിണ്ടരുത്

പോളണ്ടിനെപ്പറ്റി ഒരക്ഷരം മിണ്ടരുത് എന്ന സന്ദേശത്തിലെ ശ്രീനിവാസൻ ഡയലോഗ് കാലിക പ്രസക്തിയുള്ള വിഷയങ്ങളെ ഒന്ന് 'താങ്ങാൻ' മലയാളി ഉപയോഗിച്ച് പോരുന്നുണ്ട്. ട്രോളുകൾ സുലഭമായ ഈ അടുത്ത കാലത്ത് പ്രത്യേകിച്ചും. അപ്പേരിൽ കലികാല വിശേഷങ്ങളെ ആക്ഷേപഹാസ്യ രൂപേണ അവതരിപ്പിക്കുന്ന ഒരു ഹ്രസ്വചിത്രമായാലോ? അത് ജനം കാണും, ഒന്നും രണ്ടും വട്ടമല്ല, ലക്ഷക്കണക്കിന് തവണ കാണും. അങ്ങനെ കണ്ടത് മൂന്നാഴ്ചക്കുള്ളിൽ 4.70 ലക്ഷം തവണ കടന്നു.  ഫേസ്ബുക്കിലെ ലക്ഷക്കണക്കിന് വ്യൂസ് കൂടാതെ, ചിത്രം യൂട്യുബിലും ഉണ്ട്.  ഒരു ഐഫോണിലാണ് 18 മിനിറ്റ് ദൈർഘ്യമുള്ള വീഡിയോ ഷൂട്ട് ചെയ്തിരിക്കുന്നത്.