Pachuvum Athbutha Vilakkum | പ്രതീക്ഷയേകുന്ന പ്രകടനവുമായി ഫഹദ് ഫാസിൽ; 'പാച്ചുവും അത്ഭുതവിളക്കും' ടീസർ
- Published by:user_57
- news18-malayalam
Last Updated:
ഫഹദും നന്ദുവുമുള്ള രസകരമായ രംഗമാണ് ടീസറിൽ കാണുന്നത്
സത്യൻ അന്തിക്കാടിന്റെ മകൻ അഖിൽ സത്യൻ കഥയും തിരക്കഥയും എഴുതി സംവിധാനം ചെയ്യുന്ന ഫഹദ് ഫാസിൽ (Fahadh Faasil) ചിത്രം ‘പാച്ചുവും അത്ഭുതവിളക്കും’ (Pachuvum Athbutha Vilakkum) ടീസർ പുറത്തിറങ്ങി. ഒരിടവേളയ്ക്കു ശേഷം പുറത്തിറങ്ങുന്ന ചിത്രത്തിൽ ഫഹദിന്റെ പ്രതീക്ഷയേകുന്ന പ്രകടനം കാണാൻ സാധിക്കും.
ഫുൾ മൂൺ സിനിമയുടെ ബാനറിൽ സേതു മണ്ണാർകാടാണ് ‘പാച്ചുവും അത്ഭുതവിളക്കും’ നിർമിക്കുന്നത്. സത്യൻ അന്തിക്കാടിന്റെ മകനായ അഖില്‍ അച്ഛന്‍റെ സിനിമകളുടെ സംവിധാന വിഭാഗത്തില്‍ മുന്‍പ് സഹകരിച്ചിട്ടുണ്ട്. ‘ഞാന്‍ പ്രകാശന്‍’, ‘ജോമോന്‍റെ സുവിശേഷങ്ങള്‍’ എന്നീ സിനിമകളുടെ അസോസിയേറ്റ് ആയിരുന്നു.
ദാറ്റ്സ് മൈ ബോയ് എന്ന ഡോക്യുമെന്‍ററി ഷോര്‍ട്ട് ഫിലിമും സംവിധാനം ചെയ്‍തിട്ടുണ്ട്. ‘പാച്ചുവും അത്ഭുത വിളക്കും’ എന്ന ചിത്രത്തിന്‍റെ രചനയും സംവിധാനവും എഡിറ്റിംഗും നിര്‍വ്വഹിച്ചിരിക്കുന്നത് അഖില്‍ തന്നെയാണ്.
advertisement
അഖിലിന്റെ ഇരട്ട സഹോദരൻ അനൂപ് സത്യൻ ‘വരനെ ആവശ്യമുണ്ട്’ എന്ന ചിത്രത്തിലൂടെ അരങ്ങേറ്റം കുറിച്ചിരുന്നു. ശരൺ വേലായുധൻ ‘പാച്ചുവും അത്ഭുത വിളക്കും’ എന്ന സിനിമയുടെ ഛായാഗ്രഹണവും ജസ്റ്റിൻ വർഗ്ഗീസ് സംഗീതവും കൈകാര്യം ചെയ്യും. പ്രൊഡക്ഷന്‍ ഡിസൈന്‍- രാജീവന്‍, വസ്ത്രാലങ്കാരം- ഉത്തര മേനോന്‍.
Summary: Teaser for Fahadh Faasil movie directed by Akhil Sathyan, ‘Pachuvum Athbutha Vilakkum’ is out
സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
March 18, 2023 9:47 AM IST
മലയാളം വാർത്തകൾ/ വാർത്ത/Film/
Pachuvum Athbutha Vilakkum | പ്രതീക്ഷയേകുന്ന പ്രകടനവുമായി ഫഹദ് ഫാസിൽ; 'പാച്ചുവും അത്ഭുതവിളക്കും' ടീസർ
