Rocketry trailer | നമ്പി നാരായണന്റെ ജീവിതവുമായി മാധവന്, ഷാരൂഖ് ഖാനും സൂര്യയും ചിത്രത്തില്; ട്രെയ്ലർ പുറത്തിറങ്ങി
- Published by:user_57
- news18-malayalam
Last Updated:
Watch the trailer of Rocketry: The Nambi Effect | നമ്പി നാരായണന്റെ ജീവിതത്തിലെ തീക്കനൽ പാതയിലൂടെ 'റോക്കറ്റ്റി: ദി നമ്പി എഫക്ട്'
ചെന്നൈ: ആര്. മാധവന്റെ ട്രൈ കളര് ഫിലീസും ഡോക്ടര് വര്ഗീസ് മൂലന്റെ വര്ഗീസ് മൂലന് പിക്ചര്സിന്റെയും ബാനറില് നിര്മിക്കുന്ന റോക്കറ്ററി ദി നമ്പി എഫ്ക്ട് എന്ന ബ്രഹ്മാണ്ട ചിത്രത്തിന്റെ ട്രെയ്ലര് പുറത്തുവിട്ടു.
മലയാളത്തിന് പുറമെ തമിഴ്, ഹിന്ദി, ഇംഗ്ലീഷ്, തെലുഗു, കന്നഡ ഭാഷകളിലും അറബിക്, ഫ്രഞ്ച്, സ്പാനീഷ്, ജര്മ്മന്, ചൈനീസ്, റഷ്യന്, ജാപ്പാനീസ് തുടങ്ങിയ അന്താരാഷ്ട്ര ഭാഷകളിലുമായിട്ടാണ് ചിത്രം ഒരുങ്ങുന്നത്.
നാലുവര്ഷമായി അണിയറയില് ഒരുങ്ങുന്ന ചിത്രം സംവിധാനം ചെയ്യുന്നതും മാധവന് തന്നെയാണ്. മലയാളി സംവിധായകൻ പ്രജീഷ് സെൻ കോ-ഡയറക്ടർ ആണ്. ഐ.എസ്.ആര്.ഒ ശാസ്ത്രഞ്ജനായിരുന്ന നമ്പി നാരായണന്റെ ജീവിതമാണ് ചിത്രം പറയുന്നത്.
100 കോടിക്ക് മുകളിലാണ് ചിത്രത്തിന്റെ ചിലവെന്നാണ് റിപ്പോര്ട്ട്. ചിത്രത്തില് നിര്ണായക വേഷത്തില് ഷാരൂഖ് ഖാനും സൂര്യയുമെത്തുമെന്നും റിപ്പോര്ട്ടുണ്ട്. ഹിന്ദിയില് ഷാരുഖ് ഖാന് ചെയ്യുന്ന റോളില് തമിഴില് സൂര്യ ആയിരിക്കും എത്തുക.
advertisement
വിവിധ പ്രായത്തിലുള്ള നമ്പി നാരായണനെ അവതരിപ്പിക്കുന്നതിനായി മാധവന് നടത്തിയ മേക്ക് ഓവറുകള് വൈറലായിരുന്നു. നമ്പി നാരായണന്റെ ജീവിതത്തിലെ ഏറ്റവും സംഭവാത്മകമായ 27 വയസ്സു മുതല് 70 വയസ്സു വരെയുള്ള കാലഘട്ടമാണ് സിനിമയുടെ പ്രമേയം.
വിവിധ കാലങ്ങട്ടങ്ങളിലെ നമ്പി നാരായണനെ അവതരിപ്പിക്കുന്നതിനായി ശാരീരികമായും മാധവന് വലിയ മാറ്റങ്ങള് വരുത്തിയിരുന്നു. തലയിലെ നര മാത്രമാണ് ആര്ട്ടിഫിഷ്യലായി ഉപയോഗിച്ചിട്ടുള്ളത്.
advertisement
ആറ് രാജ്യങ്ങളിലധികം ചിത്രത്തിന്റെ ഷൂട്ടിംഗ് നടന്നിരുന്നു. കഴിഞ്ഞ വര്ഷം റിലീസ് ചെയ്യേണ്ടിയിരുന്ന ചിത്രം കൊവിഡിനെ തുടര്ന്ന് റിലീസ് മാറ്റിവെയ്ക്കുകയായിരുന്നു.
സിമ്രാന് ആണ് ചിത്രത്തില് മാധവന്റെ നായികയായി എത്തുന്നത്. ഇരുവരും പതിനഞ്ച് വര്ഷത്തിന് ശേഷമാണ് സിനിമയില് ഒന്നിക്കുന്നത്. നിരവധി ഹോളിവുഡ് താരങ്ങളും ചിത്രത്തില് അഭിനയിക്കുന്നുണ്ട്.
വെള്ളം സിനിമയുടെ സംവിധായകന് പ്രജേഷ് സെന് ചിത്രത്തിന്റെ കോ ഡയറക്ടറാണ്. ശ്രീഷ റായ് ആണ് ചിത്രത്തിന്റെ ക്യാമറ, എഡിറ്റിംഗ് ബിജിത്ത് ബാല, സംഗീതം സാം സി.എസ്, പിആര്ഒ ആതിര ദില്ജിത്ത്.
advertisement
Summary: Trailer of Rocketry: The Nambi Effect, a movie based on the life of scientist Nambi Narayanan has been released. R. Madhavan reprises the role of Nambi Narayanan in the film having Suriya and Shahrukh Khan playing cameo roles
Click here to add News18 as your preferred news source on Google. സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
First Published :
Apr 02, 2021 1:38 PM IST
മലയാളം വാർത്തകൾ/ വാർത്ത/Film/
Rocketry trailer | നമ്പി നാരായണന്റെ ജീവിതവുമായി മാധവന്, ഷാരൂഖ് ഖാനും സൂര്യയും ചിത്രത്തില്; ട്രെയ്ലർ പുറത്തിറങ്ങി
