ആരാ ബെസ്റ്റ്? 'മൂക്കില്ലാ രാജ്യത്ത്' ടീമിനെ അനുകരിച്ച് ഫഹദും കല്യാണിയും കൂട്ടരും

മാനസികരോഗാശുപത്രിയിൽ നിന്നും ചാടി ബോളിവുഡ് നടനെ കാണാൻ കൊച്ചിയിലെത്തുന്ന നാൽവർ സംഘത്തെ ഓർമയില്ലേ? നടന്മാരായ തിലകൻ, മുകേഷ്, ജഗതി ശ്രീകുമാർ, സിദ്ധിഖ് എന്നിവരാണ് ആ കഥാപാത്രങ്ങളെ അവതരിപ്പിച്ചത്. ഈ സിനിമയിലെ ഒരു രംഗം അതുപോലെ അനുകരിക്കുകയാണ് ഫഹദും കൂട്ടരുമടങ്ങുന്ന 'ഓടും കുതിര ചാടും കുതിര' ടീം. അന്നത്തെ ആ നാലുപേരുടെ സ്ഥാനത്ത് ഇന്ന് സുരേഷ് കൃഷ്ണ, ഫഹദ് ഫാസിൽ, കല്യാണി പ്രിയദർശൻ, വിനയ് ഫോർട്ട് എന്നിവരാണ്. സിനിമയുടെ ഓൺലൈൻ ബുക്കിംഗ് ആരംഭിച്ച ശേഷമാണ് ടീം ഇങ്ങനെയൊരു വീഡിയോയുമായി രംഗത്തെത്തുന്നത്. സംവിധായകൻ അൽത്താഫ് സലിം പറഞ്ഞു കൊടുക്കുന്ന ഡയലോഗ് അതുപോലെ അനുകരിക്കുകയാണ് ഈ നാലുപേരും.