നസ്രിയയുടെ കൂടെ കണ്ടില്ലല്ലോ എന്ന് ചോദിച്ചവർ കണ്ടോ? ഫഹദിന്റെ 'ഓടും കുതിര ചാടും കുതിര' ചിത്രീകരണം പൂർത്തിയായി

നസ്രിയ നസിം പ്രസ്താവന പോസ്റ്റ് ചെയ്തതിൽപ്പിന്നെ ഭർത്താവ് ഫഹദ് ഫാസിലിനെ അന്വേഷിക്കുന്ന ചില ആരാധകരുണ്ട്. അവർ ഇതാ കണ്ടോളൂ. ഫഹദ് ഫാസിലും (Fahadh Faasil) കല്യാണി പ്രിയദർശനും (Kalyani Priyadarshan) ഒന്നിക്കുന്ന ‘ഓടും കുതിര ചാടും കുതിര’ (Odum Kuthira Chadum Kuthira) എന്ന ചിത്രത്തിന്റെ ചിത്രീകരണം പൂർത്തിയായതായി ഇൻസ്റ്റഗ്രാം പോസ്റ്റിലൂടെ അറിയിച്ചിരിക്കുകയാണ് നിർമ്മാതാവ് ആഷിഖ് ഉസ്മാൻ. റൊമാന്റിക് കോമഡി ജോണറിലെത്തുന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ കഴിഞ്ഞ ദിവസമാണ് പുറത്തിറങ്ങിയത്. വമ്പൻ പ്രേക്ഷക സ്വീകാര്യത നേടിയ പോസ്റ്റർ ഇതിനോടകം മലയാള സിനിമാ മേഖലയിൽ ചർച്ചയായിരിക്കുകയാണ്.