'ഒരിക്കൽ ഔട്ട്‌ ആണെന്ന് വിചാരിച്ചു; തേർഡ് അമ്പയർ തിരികെ വിളിച്ചു': അർധസെഞ്ചുറിയുടെ കഥപറഞ്ഞ് സലിംകുമാർ

അമ്പതാം ജന്മദിനത്തിൽ രസകരമായ ഫേസ്ബുക്ക് പോസ്റ്റുമായി നടന്‍ സലിംകുമാർ. കഴിഞ്ഞുപോയ അമ്പത് വർഷത്തെ ജീവിതത്തെ ക്രിക്കറ്റ് കളിയോട് ഉപമിച്ചു കൊണ്ടാണ് അദ്ദേഹം പോസ്റ്റ് പങ്കുവെച്ചിരിക്കുന്നത്. 'അങ്ങനെ ഈ കളിയിൽ ഞാനും ഹാഫ് സെഞ്ചുറി തികച്ചു'വെന്ന് പറഞ്ഞാണ് സലിംകുമാർ പോസ്റ്റ് ആരംഭിച്ചിരിക്കുന്നത്. ക്രിക്കറ്റ് ബാറ്റുമായി നിൽക്കുന്ന ചിത്രത്തിനൊപ്പമാണ് താരം കുറിപ്പ് പങ്കുവെച്ചിരിക്കുന്നത്. സലിംകുമാർ അമ്പത്(നോട്ടൗട്ട്), ഇടംകൈ ബാറ്റ്സ്മാൻ, സ്ട്രൈക് റേറ്റ്-100.00 എന്നും ചിത്രത്തിൽ രേഖപ്പെടുത്തിയിട്ടുണ്ട്.