മലയാളസിനിമ തകർന്ന് തരിപ്പണമാകുമോ എന്ന് സംശയിച്ചിരിക്കുമ്പോഴാണ് 'കിഷ്കിന്ധാ കാണ്ഡം' കണ്ടത്; നല്ല വാക്കുകളുമായി സത്യൻ അന്തിക്കാട്

നൈർമ്മല്യം തുളുമ്പുന്ന മലയാള ചിത്രങ്ങളുടെ ശില്പിയെന്നേ സത്യൻ അന്തിക്കാട് എക്കാലത്തും വാഴ്ത്തപ്പെടൂ. കാലത്തെ അതിജീവിച്ച, മലയാളിയുടെ മലയാള ശൈലിയിലെ ജീവിതം പറയാൻ ഓരോ സത്യൻ അന്തിക്കാട് ചിത്രത്തിനും സാധിച്ചിരുന്നു. മറ്റൊരു തലമുറയിലെ സിനിമ കണ്ടാൽ, അത് നല്ലതെങ്കിൽ, അഭിനന്ദിക്കാൻ അദ്ദേഹം മടിക്കാറില്ല. ആസിഫ് അലി, അപർണ ബാലമുരളി, വിജയരാഘവൻ എന്നിവർ പ്രധാനവേഷങ്ങൾ ചെയ്ത 'കിഷ്ക്കിന്ധാ കാണ്ഡം' ഓണം റിലീസായി തിയേറ്ററുകളിൽ എത്തിക്കഴിഞ്ഞു. മലയാള ചലച്ചിത്ര ലോകം നിലവിൽ നേരിടുന്ന പ്രതിസന്ധിയിൽ, നല്ല സിനിമ തന്നെയാണ് മികച്ച അതിജീവനം എന്ന് സത്യൻ അന്തിക്കാട്. ഫേസ്ബുക്ക് കുറിപ്പിൽ കിഷ്ക്കിന്ധാ കാണ്ഡത്തെയും അണിയറപ്രവർത്തകരെയും അദ്ദേഹം അഭിനന്ദനം കൊണ്ട് മൂടുന്നു.