മലയാള നായകന്മാർ സ്‌ക്രീനിൽ പാടിയ സംഗീതം; എസ്.പി. വെങ്കിടേഷിന്റെ പ്രശസ്ത ഗാനങ്ങൾ

സ്‌ക്രീനിൽ മമ്മൂട്ടിയും മോഹൻലാലും ഉൾപ്പെടെ ചുണ്ടനക്കുകയും ചുവടുവയ്ക്കുകയും ചെയ്ത സംഗീതത്തിന് പിന്നിൽ എസ്.പി. വെങ്കിടേഷ് ഉണ്ടായിരുന്നു. ഹൃദയത്തെ സ്പർശിക്കുന്ന മെലഡികൾ, പ്രണയവും, വിരഹവും, ആഘോഷവും, തുടക്കവും ഒടുക്കവും, കണ്ണീരും, കിനാവും വെങ്കിടേഷിന്റെ കൈകളിൽ തനിമ ചോരാതെ പിറന്നു. ബിഗ് സ്‌ക്രീനിൽ മമ്മൂട്ടിയും മോഹൻലാലും രണ്ടു കാലഘട്ടങ്ങളിൽ അഭിനയിച്ചു ഫലിപ്പിച്ച ശാന്തമീ രാത്രിയിൽ... മില്ലേനിയലുകളും, ജെൻ സീയും, ജെൻ ആൽഫയും ഒരുപോലെ ഏറ്റുപിടിച്ചു. കണ്ണിലും സംഗീതത്തിലും സത്യസന്ധത പുലർത്തിയ വെങ്കിടേഷ് സംഗീതത്തെ വിലപേശി വിൽക്കാതെ, ലാഭേച്ഛയില്ലാതെ ചെയ്തുകൊടുത്ത അവസരങ്ങൾ പലതുണ്ട്. ഇന്നും മലയാളി പാടിനടക്കുന്ന, ഒരുപക്ഷേ അവർ പോലും തിരിച്ചറിയാത്ത എസ്.പി. വെങ്കിടേഷ് സംഗീതം എത്രയെത്ര. സൂപ്പർഹിറ്റ് ഗാനങ്ങളുടെ ശില്പിയുടെ ഏതാനും മികച്ച ഗാനങ്ങളിലൂടെ ഒരു തിരിഞ്ഞുനോട്ടം: