വിധിവരും മുൻപേ ടിഷർട്ടിന് ഓർഡർ കൊടുത്തു; ദിലീപ് ചിത്രം 'ഭ.ഭ.ബ.'യുടെ തയാറെടുപ്പുകൾ തകൃതി

നടിയെ ആക്രമിച്ച കേസിൽ വിധിപ്രസ്താവം വരുന്നതിനും മുൻപേ ദിലീപ് (Dileep) ചിത്രം ഭഭബ ടിഷർട്ട് പ്രിന്റിൽ അണിയറപ്രവർത്തകർ. അടുത്തതായി പുറത്തുവരാനിരിക്കുന്ന ദിലീപ് ചിത്രമാണ് ഭഭബ. ഷർട്ട് പ്രിന്റ് ചെയ്യുന്ന വീഡിയോ ദൃശ്യം സോഷ്യൽ മീഡിയയിൽ വൈറലാണ്. മൂന്നു ദിവസങ്ങൾക്ക് മുൻപ് ഷർട്ട് പ്രിന്റ് ചെയ്യുന്ന ദൃശ്യമാണ് സോഷ്യൽ മീഡിയയിൽ എത്തിയിട്ടുള്ളത്. ദിലീപ് കുറ്റവിമുക്തനാകും എന്ന് ഒരുപക്ഷേ കാലേകൂട്ടിക്കണ്ടു കൊണ്ടാണോ ഇങ്ങനെയൊരു നീക്കമുണ്ടായത് എന്നറിയേണ്ടിയിരിക്കുന്നു. കേസിൽ ഒന്നും മുതൽ ആറു വരെയുള്ള പ്രതികൾ കുറ്റക്കാരെന്നു കണ്ടെത്തിയ കോടതി, എട്ടാം പ്രതിയായ ദിലീപിനെ വെറുതെ വിടുകയായിരുന്നു.