ശാന്തസ്വരൂപനായ ശാസ്താവ്: തെന്നൂർ ശ്രീകണ്ഠൻ ശാസ്താ ക്ഷേത്രത്തിലെ പ്രതിഷ്ഠാ വിശേഷങ്ങൾ
- Reported by:Athira Balan A
- local18
- Published by:Gouri S
Last Updated:
ശനിദോഷങ്ങൾ അകറ്റാൻ ഉത്തമമായ നീരാഞ്ജന വഴിപാട്, കർക്കിടക മാസത്തിലെ ഔഷധസേവ, കുടുംബ ഐശ്വര്യത്തിനായുള്ള ശാസ്താ ദർശനം എന്നിവയെക്കുറിച്ച് അറിയാം.
തിരുവനന്തപുരം-നാഗർകോവിൽ ദേശീയ പാതയിൽ നേമം-പുന്നമൂട് റോഡ് വഴി ശാന്തിവിള ശാസ്താനഗറിലെ തെന്നൂർ ശ്രീകണ്ഠൻ ശാസ്താ ക്ഷേത്രം. സവിശേഷമായ അയ്യപ്പ രൂപമാണ് ഈ ക്ഷേത്രത്തിലെ പ്രധാന പ്രത്യേകത. ഇടത് കൈ ഇടത് കാൽമുട്ടിന് മേൽ വച്ചും, വലത് കാൽ മടക്കി ഇടത് കാലിനോട് ചേർത്ത് വച്ചും, വലത് കൈയ്യിൽ ചിന്മുദ്ര ധരിച്ചും ഇരിക്കുന്ന ശാന്തസ്വരൂപനായ ധർമ്മശാസ്താവാണ് ഇവിടെ കുടികൊള്ളുന്നത്.
ഈ രൂപത്തിലുള്ള പ്രതിഷ്ഠ കുടുംബഭദ്രതയ്ക്കും സമാധാനത്തിനും അത്യുത്തമമാണെന്ന് വിശ്വസിക്കപ്പെടുന്നു. നൂറ്റാണ്ടുകൾ പഴക്കമുള്ളതും കാലപ്പഴക്കത്താൽ ജീർണ്ണാവസ്ഥയിലായിരുന്നതുമായ ഈ ക്ഷേത്രം അടുത്ത കാലത്തായി കേരളീയ വാസ്തുശാസ്ത്ര പ്രകാരം ഭക്തജനങ്ങളുടെയും ക്ഷേത്ര ട്രസ്റ്റിൻ്റെയും സഹകരണത്തോടെ പൂർണ്ണമായും പുനർനിർമ്മിച്ചു.
പ്രധാന പ്രതിഷ്ഠയ്ക്ക് പുറമെ മാടൻ തമ്പുരാൻ, ഭുവനേശ്വരി, ശ്രീകൃഷ്ണൻ, യക്ഷിയമ്മ എന്നീ ഉപദേവതകൾക്കും ഇവിടെ പ്രത്യേക ശ്രീകോവിലുകൾ ഒരുക്കിയിട്ടുണ്ട്. ശനിദോഷ നിവാരണത്തിനായി ദൂരദേശങ്ങളിൽ നിന്ന് പോലും ധാരാളം ഭക്തർ എത്തുന്ന ഈ ക്ഷേത്രത്തിൽ ശനിയാഴ്ചകളിലെ ദർശനത്തിന് വലിയ പ്രാധാന്യമുണ്ട്.
advertisement
ശാസ്താവിനു മുന്നിൽ നാളികേരം ഉടച്ച് എള്ളെണ്ണയും എള്ളുകിഴിയും ഉപയോഗിച്ച് നടത്തുന്ന നീരാഞ്ജന വഴിപാട് ഇവിടുത്തെ പ്രധാന ചടങ്ങാണ്. ശനിദശ, ഏഴരശനി, കണ്ടകശനി, അഷ്ടമശനി തുടങ്ങിയ ദോഷങ്ങൾ അകറ്റി ജീവിതത്തിൽ ഐശ്വര്യം കൈവരിക്കാൻ ഈ വഴിപാട് ഉത്തമമാണെന്ന് കരുതപ്പെടുന്നു. രോഗനാശകനായ വൈദ്യനായും ശാസ്താവിനെ ഇവിടെ ആരാധിക്കുന്നതിനാൽ കർക്കിടക മാസത്തിലെ ഔഷധസേവയ്ക്കും വലിയ പ്രാധാന്യമുണ്ട്. മിഥുന മാസത്തിലെ പ്രതിഷ്ഠാ വാർഷികവും നാല് ദിവസം നീണ്ടുനിൽക്കുന്ന മകരവിളക്ക് മഹോത്സവവുമാണ് ക്ഷേത്രത്തിലെ പ്രധാന ആഘോഷങ്ങൾ.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram [Trivandrum],Thiruvananthapuram,Kerala
First Published :
Mar 06, 2026 3:39 PM IST
മലയാളം വാർത്തകൾ/ വാർത്ത/Thiruvananthapuram/
ശാന്തസ്വരൂപനായ ശാസ്താവ്: തെന്നൂർ ശ്രീകണ്ഠൻ ശാസ്താ ക്ഷേത്രത്തിലെ പ്രതിഷ്ഠാ വിശേഷങ്ങൾ






