Marco | ആദ്യ ദിവസത്തിൽ മുടക്കുമുതലിന്റെ മൂന്നിലൊന്ന്; ഉണ്ണി മുകുന്ദന്റെ 'മാർക്കോ' ഒറ്റദിവസം നേടിയത് 10.8 കോടി

Published by:meera_57
news18-malayalam

Last Updated:Dec 21, 2024 4:43 PM IST

സമീപകാല മലയാള സിനിമയിലെ ഏറ്റവും വലിയ ആക്ഷൻ വയലൻസ് ചിത്രം കൂടിയാണിത്

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

ആകെ 31 കോടി മുതൽമുടക്കിൽ പുറത്തിറങ്ങിയ സിനിമയ്ക്ക് ആദ്യദിവസം കൊണ്ട് മുടക്കുമുതലിന്റെ മൂന്നിലൊന്നു തിരിച്ചുപിടിച്ച് മലയാള സിനിമയിലെ ബാങ്കബിൾ സ്റ്റാർ ആയിക്കഴിഞ്ഞു ഉണ്ണി മുകുന്ദൻ (Unni Mukundan). ഉണ്ണി നായകനായ, വയലൻസ് കൊടുമ്പിരി കൊണ്ട മാർക്കോ (Marco movie) റിലീസ് ദിവസം ലോകമെമ്പാടും നിന്നായി നേടിയ കളക്ഷൻ റിപ്പോർട്ട് പുറത്തുവന്നിരിക്കുകയാണ്. 10.8 കോടി രൂപയാണ് ഉണ്ണി മുകുന്ദന്റെ 'മാർക്കോ'യുടെ വേൾഡ് വൈഡ് കളക്ഷൻ. ഹനീഫ് അദെനി സംവിധാനം ചെയ്ത 'മിഖായേൽ' എന്ന സിനിമയുടെ സ്പിൻ ഓഫ് ആണ് മാർക്കോ. മിഖായേലിലെ വില്ലനെ നായകനാക്കി മാറ്റി എടുത്ത ചിത്രമാണ് 'മാർക്കോ'.

സമീപകാല മലയാള സിനിമയിലെ ഏറ്റവും വലിയ ആക്ഷൻ വയലൻസ് ചിത്രം കൂടിയാണിത്. ബോളിവുഡിലേയും, കോളിവുഡിലേയും മികച്ച ആക്ഷൻ കോറിയോഗ്രാഫറായ കലൈ കിംഗ്സനാണ് ചിത്രത്തിലെ ആക്ഷൻ രംഗങ്ങൾ ഒരുക്കിയിരിക്കുന്നത്.

Also read: Marco review | മാർക്കോ: ഉണ്ണി മുകുന്ദന്റെ നരനായാട്ട്; മലയാള സിനിമ കണ്ട എക്കാലത്തെയും കൊടൂര വയലൻസ്

കെ.ജി.എഫ്., സലാർ ഉൾപ്പടെ വൻകിട ചിത്രങ്ങൾക്ക് സംഗീതമൊരുക്കിയ രവി ബ്രസൂറിൻ്റെ സംഗീതവും ചിത്രത്തിൻ്റെ ഹൈലൈറ്റാണ്. പാൻ ഇന്ത്യൻ സിനിമയായി അവതരിപ്പിക്കുന്ന ‘മാർക്കോ’ മലയാളത്തിനു പുറമേ തമിഴ്, ഹിന്ദി, തെലുങ്ക് കന്നഡ ഭാഷകളിലും ഒരുപോലെ എത്തുകയാണ്.

വ്യത്യസ്ഥമായ നിരവധി ലൊക്കേഷനുകളാണ് ചിത്രത്തിനു പശ്ചാത്തലമായിരിക്കുന്നത്. മൂന്നാർ, കൊച്ചി, എഴുപുന്ന, ദുബായ്, കൊല്ലം എന്നിവിടങ്ങളിലായാണ് ചിത്രീകരണം പൂർത്തിയായിരിക്കുന്നത്. ഉണ്ണി മുകുന്ദനു പുറമേ ജഗദീഷ്, സിദ്ദിഖ്, ആൻസൺ പോൾ, കബീർദുഹാൻ സിംഗ് (ടർബോ ഫെയിം) യുക്തി തരേജ, അഭിമന്യു തിലകൻ, ദിനേശ് പ്രഭാകർ, അജിത് കോശി, മാത്യു വർഗീസ്, ഇഷാൻ ഷൗക്കത്ത്, ഷാജി, സജിതാ ശ്രീജിത് രവി, ബിൻ സുബായ്, ധ്രുവ എന്നി വരും പ്രധാന താരങ്ങളാണ്.

Summary: Unni Mukundan movie 'Marco', known for its gory violence, made it big at the box office on the opening day. The film managed to collect Rs 10.8 crores world wide on the release day