വൈറസ് ഒരു സർവൈവൽ ത്രില്ലർ; ജൂൺ ഏഴിനു തന്നെ തിയറ്ററുകളിൽ എത്തും

Last Updated:Jun 06, 2019 7:57 AM IST

വൈറസ് ഒരു സർവൈവൽ ത്രില്ലറാണ്. ഒരിക്കൽ നമ്മൾ അതിജീവിച്ചെന്നും ഇനിയും നമ്മൾ അതിജീവിക്കുക തന്നെ ചെയ്യുമെന്നും പോസ്റ്റിൽ പറയുന്നു.

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

കൊച്ചി: വൈറസ് സിനിമ ഒരു സർവൈവൽ ത്രില്ലറാണെന്നും ജൂൺ ഏഴിനു തന്നെ റിലീസ് ചെയ്യുമെന്നും വൈറസ് സിനിമയുടെ അണിയറ പ്രവർത്തകർ. വൈറസ് സിനിമയുടെ ഫേസ്ബുക്ക് പേജിലാണ് ഇക്കാര്യം അറിയിച്ചത്. വൈറസ് ഒരു സർവൈവൽ ത്രില്ലറാണ്. ഒരിക്കൽ നമ്മൾ അതിജീവിച്ചെന്നും ഇനിയും നമ്മൾ അതിജീവിക്കുക തന്നെ ചെയ്യുമെന്നും പോസ്റ്റിൽ പറയുന്നു. ജൂൺ ഏഴ് മുതൽ വൈറസ് സിനിമ തിയറ്ററുകളിലെത്തുമെന്നും വ്യക്തമാക്കുന്നു.

ഫേസ്ബുക്ക് പോസ്റ്റ് ഇങ്ങനെ,

കേരളത്തിൽ നിപ വൈറസ് വീണ്ടും റിപ്പോർട്ട് ചെയ്യപ്പെട്ടുവെങ്കിലും നമുക്കെല്ലാവർക്കും ആത്മവിശ്വാസം നൽകുന്ന വിധം വിദഗ്ദവും ശാസ്ത്രീയവുമായ നടപടികൾ ആണ് അധികാര കേന്ദ്രങ്ങൾ കൈ കൊള്ളുന്നത് എന്നത് ഏറെ ആശ്വാസകരമാണ്. കഴിഞ്ഞ വർഷത്തെതിനേക്കാൾ നിർഭയരായി മനസ്സാന്നിധ്യത്തോടെ ഈ സാഹചര്യത്തോട് പ്രതികരിക്കാൻ നമ്മൾ പൊതുജനത്തിന് സാധിക്കുന്നത് പരിചയസമ്പത്തുള്ള, കഴിവുറ്റ ഒരു ആരോഗ്യ വകുപ്പും വൈദ്യശാസ്ത്ര വിദഗ്ദരും നമുക്ക് ഉണ്ട് എന്ന ഉറപ്പിനാൽ തന്നെയാണ്. ഈ അവസരത്തിൽ അവരോടുള്ള നന്ദിയും ആദരവും അറിയിക്കാൻ ഞങ്ങൾ ആഗ്രഹിക്കുകയാണ്.

കഴിഞ്ഞ വർഷം നിപ്പ ഭീതി വിതിച്ചപ്പോൾ നമ്മൾ അജ്ഞരും അസന്നദ്ധരുമായിരുന്നു. പക്ഷെ, നമ്മൾ കരുത്തോടെ, ആത്മവിശ്വാസത്തോടെ നിപയെ കുറിച്ച് കൂടുതൽ അറിഞ്ഞു, കൂടുതൽ സന്നാഹങ്ങൾ കരസ്ഥമാക്കി, അതിനെ നേരിട്ടു. ഇപ്പോൾ നിപയെ കുറിച്ചുള്ള വൈദ്യശാസ്ത്ര പാഠപുസ്തകത്തിൽ ഒരു അധ്യായമാണ് ആ പോരാട്ടം. വൈറസ് എന്ന സിനിമ ഈ പരിണാമത്തിന്റെ ചലചിത്രാവിഷ്കാരമാണ്.

വൈറസ് ഒരു സർവൈവൽ ത്രില്ലറാണ്. ഒരിക്കൽ നമ്മൾ അതിജീവിച്ചു. ഇനിയും നമ്മൾ അതിജീവിക്കുക തന്നെ ചെയ്യും. ജൂൺ ഏഴ് മുതൽ തീയേറ്ററുകളിൽ.

With bated breath we have been closely watching the proceedings following the recent Nipah report in the State. Proud to see how the state’s brilliant administrative team and medical team has set up complete protocol within no time.

The movie VIRUS chronicles the journey of how we addressed, fought and survived the last outbreak. How we traced, studied and contained it. We did it then even when we had no information or former knowledge about the virus. Today medical textbooks have Kerala’s medical paper on the same subject.

Virus is a Survival Thriller. We did it last time and we will do it this time too. Together. Releasing worldwide on June 7th.