കുവൈറ്റ് മദ്യദുരന്തത്തിൽ ആശുപത്രിയിലുള്ള 40 ഇന്ത്യാക്കാരിൽ മലയാളികളുണ്ടെന്ന് സൂചന

കുവൈറ്റ് മദ്യദുരന്തത്തിൽ ആശുപത്രിയിലുള്ള 40 ഇന്ത്യാക്കാരിൽ മലയാളികളുണ്ടെന്ന് സൂചന. മലയാളികൾ ഉൾപ്പെടെയുള്ള ഇന്ത്യക്കാർ തിങ്ങിപ്പാർക്കുന്ന അഹ്മദിയ, ഫർവാനിയ ഗവർണറേറ്റുകളിലാണു ദുരന്തമുണ്ടായത്.ആശുപത്രിയിൽ പ്രവേശപ്പിച്ചവരിൽ ചിലരുടെ നില അതീവ ഗുരുതരമെന്നാണ് ഇന്ത്യൻ എംബസി ഇറക്കിയ വാർത്താ കുറിപ്പിൽ വ്യക്തമാക്കിയത്. വിഷമദ്യം കഴിച്ചതിനെ തുടർന്ന് ഇതുവരെ പതിമൂന്ന്‌ പ്രവാസി തൊഴിലാളികൾ മരിച്ചതായാണ് കുവൈറ്റ് ആരോഗ്യ മന്ത്രാലയം പുറത്തുവിട്ട റിപ്പോർട്ട്‌. മരിച്ചവരുടെ പ‍ൗരത്വവുമായി ബന്ധപ്പെട്ട വിവരങ്ങൾ അധികൃതർ പുറത്തുവിട്ടിട്ടില്ല എങ്കിലും മരിച്ചവരിൽ മലയാളികളുമുണ്ടെന്ന സൂചനയുണ്ട്. സഹായം ആവശ്യമുള്ളവർ +965-65501587 എന്ന ഹെൽപ്പ് ലൈൻ നമ്പറിൽ ബന്ധപ്പെടാമെന്നും എംബസി അറിയിച്ചു.