കുവൈറ്റ് വിഷമദ്യ ദുരന്തം; ഇന്ത്യക്കാർ ഉൾപ്പെടെ 67 പേർ അറസ്റ്റിൽ; തൊഴിൽ‌ വ്യവസ്ഥകൾ ലംഘിച്ചതിന് 258 പ്രവാസികൾ പിടിയിൽ

കുവൈറ്റിൽ വിഷമദ്യ ദുരന്തവുമായി ബന്ധപ്പെട്ട് മദ്യ നിർമാണത്തിന്റെ മുഖ്യനേതാവായ ബംഗ്ലാദേശി സ്വദേശി ദെലോറ പ്രകാശ് ദാരാജ് ഉൾപ്പെടെയുള്ള മുഖ്യ പ്രതികൾ അറസ്റ്റിൽ. ഇന്ത്യക്കാർ ഉൾപ്പെടെ 67 പേരാണ് അറസ്റ്റിലായത്. മദ്യം ഉണ്ടാക്കിയ 6 ഫാക്ടറികളും അടച്ചുപൂട്ടി. പാർപ്പിട, വ്യവസായ മേഖലകളിലെ നിർമാണത്തിലിരിക്കുന്ന 4 മദ്യനിർമാണ കേന്ദ്രങ്ങളും അടപ്പിച്ചു. പ്രാദേശികമായി നിർമിച്ച മദ്യം കഴിച്ച് മലയാളികൾ ഉൾപ്പെടെ 23 പേരാണ് കുവൈറ്റിൽ മരിച്ചത്. ചികിത്സയിൽ കഴിയുന്ന 160 പേരിൽ ഇരുപതിലധികം പേർക്കും കാഴ്ച നഷ്ടപ്പെട്ടു. പത്തോളം പേർ ഗുരുതരാവസ്ഥയിലാണ്.