സൗദി അറേബ്യയിൽ പ്രവാസികള്‍ക്ക് ഇഖാമ പുതുക്കുന്നതിനും വിസാ കാലാവധി നീട്ടുന്നതിനും പുതിയ മാര്‍ഗനിര്‍ദേശം

റിയാദ്: പ്രവാസികള്‍ക്ക് അവരുടെ താമസാനുമതി (ഇഖാമ-Iqama) പുതുക്കുന്നതിനും വിസാ കാലാവധി നീട്ടുന്നതിനും സൗദി അറേബ്യ പുതിയ മാര്‍ഗനിര്‍ദേശം പുറപ്പെടുവിച്ചു. രാജ്യത്തിന് പുറത്ത് വെച്ച് പ്രവാസികള്‍ക്കും വീട്ടുജോലിക്കാർക്കും അവരുടെ ഇഖാമ പുതുക്കാമെന്ന് ജനറല്‍ ഡയറക്ടറേറ്റ് ഓഫ് പാസ്‌പോര്‍ട്സ് (ജവാസത്ത്) അറിയിച്ചു. സാമൂഹിക മാധ്യമമായ എക്‌സില്‍ പങ്കുവെച്ച പോസ്റ്റിലാണ് ഇക്കാര്യം അറിയിച്ചത്. കൂടാതെ, രാജ്യത്തിന് പുറത്തുള്ള പ്രവാസികള്‍ക്ക് ഒരു തവണയോ അല്ലെങ്കില്‍ ഒന്നിലധികം തവണയോ എക്‌സിറ്റ് റീ എന്‍ട്രി വിസകളുടെ കാലാവധി നീട്ടാന്‍ കഴിയുമെന്നും ജവാസത് അറിയിച്ചു.