യുഎഇയില്‍ നബിദിനത്തിൽ സ്വകാര്യമേഖലയിൽ ശമ്പളത്തോടുകൂടിയ പൊതുഅവധി

"ഈ ശുഭ അവസരത്തിൽ, യുഎഇ ഭരണകൂടത്തിനും പൗരന്മാർക്കും മറ്റ് താമസക്കാർക്കും ഞങ്ങൾ ഹൃദയംഗമമായ ആശംസകൾ അറിയിക്കുന്നു,” മന്ത്രാലയം എക്‌സിൽ കുറിച്ചു. സെപ്റ്റംബർ 7 ശനിയാഴ്ചയും അവധിയായിരിക്കുമെന്ന് ഫെഡറൽ അതോറിറ്റി ഫോർ ഗവൺമെൻ്റ് ഹ്യൂമൻ റിസോഴ്‌സസ് (എഫ്എഎച്ച്ആർ) അറിയിച്ചു. തിങ്കൾ മുതൽ വെള്ളി വരെ യുഎഇയിൽ ഭൂരിഭാഗം സ്വകാര്യ കമ്പനികള്‍ക്കും പ്രവൃത്തി ദിനങ്ങളാണ്.

ഇതിന് ശേഷം വരുന്ന ശനി, ഞായർ ദിനങ്ങൾ അവധിയായിരിക്കും. അതിനാൽ ഇത്തവണത്തെ പൊതു അവധി ദിനത്തിൽ ജോലിയിൽനിന്ന് അവധിയെടുക്കാനുള്ള അവസരം ജീവനക്കാർക്ക് നഷ്ടമാകും. എങ്കിലും കരാർ അടിസ്ഥാനത്തിൽ ഞായറാഴ്ചയും ജോലി ചെയ്യുന്നവർക്ക് ഞായറാഴ്ച പൊതു അവധി വന്നത് ഗുണം ചെയ്യും. ദേശീയ ദിനമായി ആഘോഷിക്കുന്ന ഡിസംബർ 2, 3 തീയതികളിലും ജീവനക്കാർക്ക് അവധിയായിരിക്കുമെന്ന് ദി നാഷണൽറിപ്പോർട്ട് ചെയ്തു.