ബി.ആർ ഷെട്ടി രാജിവച്ചു; പടിയിറങ്ങിയത് സ്വന്തം കമ്പനിയായ എൻഎംസിയിൽ നിന്നും

ദുബായ്: എൻ.എം.സി ഹെൽത്ത് കെയർ  സ്ഥാപകനും ചെയർമാനുമായ  ഡോ ബി.ആർ ഷെട്ടി ഡയറക്ടർ കമ്പനിയുടെ ബോർഡ് ഓഫ് ഡയറക്ടേഴ്സിൽ നിന്നും രാജിവച്ചു.  കഴിഞ്ഞ ദിവസം ഷെട്ടിയെ ഡയറക്ടർ ബോർഡ് യോഗത്തിൽ നിന്നും പുറത്തിക്കിയിരുന്നു. ഇതിനു പിന്നാലെയാണ് ഷെട്ടി രാജി വച്ചതെന്ന് ഗൾഫ് ന്യൂസ് റിപ്പോർട്ട് ചെയ്യുന്നു.

ചീഫ് ഇൻവെസ്റ്റ്‌മെന്റ് ഓഫീസർ ഹാനി ബുട്ടിഖി, ബോർഡ് അംഗം അബ്ദുൾറഹ്മാൻ ബസാദിക് എന്നിവരെയും കമ്പനിയിൽ നിന്നും പുറത്താക്കിയിരുന്നു. തന്റെ ഓഹരിയെ കുറിച്ച് തെറ്റായ വിവരം നൽകിയതിന് കഴിഞ്ഞയാഴ്ചയാണ് എൻ‌എം‌സി ഷെട്ടിയെ ബോർഡ് മീറ്റിംഗുകളിൽ നിന്നും പുറത്താക്കിയത്. വെള്ളിയാഴ്ച വൈസ് ചെയർമാൻ ഖലീഫ അൽ മുഹൈരിയും രാജിവച്ചിരുന്നു.