അടച്ചിട്ട മുറിയിൽ ആണും പെണ്ണും ഒറ്റയ്ക്കായാൽ അവിഹിതമായി കണാനാകില്ല; മദ്രാസ് ഹൈക്കോടതി

അടച്ചിട്ട വീട്ടിൽ വനിതാ കോൺസ്റ്റബിളിനൊപ്പം കണ്ടെത്തിയതിന്റെ പേരിൽ ആർമ്ഡ് റിസർവ് പൊലീസ് കോൺസ്റ്റബിളിനെ സർവീസിൽ നിന്ന് പുറത്താക്കിയ കേസ് പരിഗണിക്കവേയായിരുന്നു ഹൈക്കോടതിയുടെ സുപ്രധാന പരാമർശം. കോൺസ്റ്റബിളിനെ സർവീസിൽ നിന്ന് പുറത്താക്കിയ നടപടി കോടതി റദ്ദാക്കുകയും ചെയ്തു. ജസ്റ്റിസ് ആർ സുരേഷ് കുമാറിന്റെതാണ് ഉത്തരവ്.

1998 ലാണ് കേസിലാസ്പദമായ സംഭവം നടക്കുന്നത്. കെ ശരവണ ബാബു എന്ന കോൺസ്റ്റബിളിനെയാണ് അദ്ദേഹത്തിന്റെ ക്വാർട്ടേർസിൽ വനിതാ കോൺസ്റ്റബിളിനൊപ്പം കണ്ടത്. അടച്ചിട്ട വീട്ടിൽ ഇരുവരേയും ഒന്നിച്ച് കണ്ടതോടെ അയൽവാസികൾ അവിഹിത ബന്ധമാണെന്ന് ആരോപിച്ചു.

എന്നാൽ അയൽവാസിയായ വനിതാ കോൺസ്റ്റബിൾ അവരുടെ വീടിന്റെ താക്കോൽ വാങ്ങിക്കാനായി വീട്ടിൽ എത്തിയതാണെന്നായിരുന്നു ശരവണ ബാബു വ്യക്തമാക്കിയത്. വനിത ഉദ്യോഗസ്ഥ വീട്ടിൽ കയറിയതറിഞ്ഞ അയൽവാസികൾ വാതിൽ മുട്ടി. വാതിൽ പൂട്ടിയിരിക്കുയാണെന്ന് മനസ്സിലായതോടെ ആരോപണമുന്നയിക്കുകയായിരുന്നു. എന്നാൽ, വനിതാ കോൺസ്റ്റബിൾ അകത്തു കയറിയതോടെ ആരോ വാതിൽ പൂട്ടുകയായിരുന്നുവെന്ന് ശരവണ ബാബു വ്യക്തമാക്കുന്നു.

ആരോപണം ഉന്നയിക്കുന്നത് പോലെ ഇരുവരും തമ്മിൽ മറ്റൊരു ബന്ധമുണ്ടെന്ന് തെളിയിക്കുന്നതിന് ദൃക്സാക്ഷികളോ മറ്റ് വ്യക്തമായ തെളിവുകളോ ഇല്ലെന്ന് കോടതി ചൂണ്ടിക്കാട്ടി.

തുടർന്ന് വിവാഹിതരായ ഇരുവരും ഒന്നിച്ച് ജീവിക്കാനും തുടങ്ങി. ഇതിന് പിന്നാലെയാണ് യുവാവ് പോക്സോ നിയമപ്രകാരവും ബാലവിവാഹ നിരോധന നിയമം, ഐപിസി സെക്ഷനിലെ അനുബന്ധ വകുപ്പുകളും പ്രകാരം വിചാരണ നേരിട്ടത്.