യുപിയിൽ റീൽസിനായി 'തൂങ്ങിമരണം' അഭിനയിച്ചു; സ്റ്റൂൾ തെന്നിമാറി കുരുക്ക് മുറുകി 27-കാരി മരിച്ചു
- Published by:Sarika N
- news18-malayalam
Last Updated:
യുവതിയുടെ 4 വയസ്സുകാരിയായ മകൾ മുറിയിലേക്ക് വന്നപ്പോഴാണ് അമ്മ തൂങ്ങിനിൽക്കുന്നത് കണ്ടത്
ഉത്തർപ്രദേശ്: വീടിനുള്ളിൽ റീൽസ് ചിത്രീകരിക്കുന്നതിനിടെ യുവതി അബദ്ധത്തിൽ കഴുത്തിൽ കയർ മുറുകി യുവതി മരിച്ചു. ബന്ദ ജില്ലയിൽ താമസിക്കുന്ന മോഹിനി (27) ആണ് മരിച്ചത്. തൂങ്ങിമരണത്തിന്റെ ഒരു രംഗം റീൽസിനായി ചിത്രീകരിക്കാനാണ് മോഹിനി ശ്രമിച്ചത്. ഇതിനായി ഫാൻ കൊളുത്തിൽ കുരുക്കിട്ട ശേഷം സ്റ്റൂളിന് മുകളിൽ കയറി നിന്ന് കഴുത്തിൽ കുരുക്കിട്ടു. മൊബൈൽ ഫോണിൽ ദൃശ്യങ്ങൾ റെക്കോർഡ് ചെയ്യുന്നതിനിടയിൽ അബദ്ധത്തിൽ സ്റ്റൂൾ മറിയുകയോ യുവതിയുടെ ബാലൻസ് നഷ്ടപ്പെടുകയോ ചെയ്തതായാണ് കരുതുന്നത്. ഇതോടെ കഴുത്തിൽ കുരുക്ക് മുറുകുകയും സെക്കൻഡുകൾക്കുള്ളിൽ മരണം സംഭവിക്കുകയുമായിരുന്നു.
യുവതിയുടെ നാല് വയസ്സുകാരിയായ മകൾ മുറിയിലേക്ക് വന്നപ്പോഴാണ് അമ്മ തൂങ്ങിനിൽക്കുന്നത് കണ്ടത്. കുട്ടി നിലവിളിച്ചതോടെ അയൽവാസികൾ ഓടിക്കൂടി. ഉടൻ തന്നെ പോലീസിനെ വിവരമറിയിക്കുകയും പോലീസെത്തി മൃതദേഹം താഴെയിറക്കുകയും ചെയ്തു. റീൽസ് ചിത്രീകരണത്തിനിടെയുണ്ടായ അപകടമാണിതെന്നാണ് പ്രാഥമിക നിഗമനമെങ്കിലും സംഭവത്തിൽ പോലീസ് വിശദമായ അന്വേഷണം ആരംഭിച്ചിട്ടുണ്ട്. മൃതദേഹം പോസ്റ്റ്മോർട്ടത്തിനായി അയച്ചു.
Click here to add News18 as your preferred news source on Google. ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ
Location :
Uttar Pradesh
First Published :
Feb 07, 2026 2:59 PM IST
മലയാളം വാർത്തകൾ/ വാർത്ത/India/
യുപിയിൽ റീൽസിനായി 'തൂങ്ങിമരണം' അഭിനയിച്ചു; സ്റ്റൂൾ തെന്നിമാറി കുരുക്ക് മുറുകി 27-കാരി മരിച്ചു
