കരൂർ ദുരന്തത്തിന് ഒരാൾ മാത്രമല്ല ഉത്തരവാദി, മറ്റു പലരും അതിന് കാരണക്കാരാണ് : അജിത്

കരൂരിലെ തിക്കിലും തിരക്കിലും പെട്ട് ഉണ്ടായ മരണങ്ങളിൽ പ്രതികരണവുമായി നടൻ അജിത്കുമാർ. വിജയ് നടത്തിയ രാഷ്ട്രീയ റാലിയിൽ ഉണ്ടായ തിക്കിലും തിരക്കിലും പെട്ട് 41 പേർക്ക് ജീവൻ നഷ്ടമായി. "സംഭവിച്ചതിന് ഒരു വ്യക്തി മാത്രം ഉത്തരവാദിയല്ല, നാമെല്ലാവരും ഉത്തരവാദികളാണ്. ആരാധകർ, മാധ്യമങ്ങൾ, വ്യവസ്ഥിതി; എല്ലാവർക്കും ഒരു പങ്കുണ്ട്." മാധ്യമ കവറേജിലൂടെ ഇത്തരം സംഭവങ്ങൾ നിരന്തരം കൂടുതൽ ആളിക്കത്തുന്നു എന്നും അജിത്. "മാധ്യമങ്ങളാണ് ഇതിന് ഇന്ധനം നൽകുന്നത്," അദ്ദേഹം പറഞ്ഞു. "ഒരു നടന് മറ്റൊരു നടനെക്കാൾ വലിയ ഓപ്പണിംഗ് എങ്ങനെ ലഭിച്ചുവെന്ന് അവർ എടുത്തുകാണിക്കുന്നു. അതിനാൽ ഒരു നടന്റെ ആരാധകർ അടുത്ത തവണ തങ്ങൾ ഒരു പടി മുകളിലാണെന്ന് തെളിയിക്കാൻ ആഗ്രഹിക്കുന്നു," അജിത് പറഞ്ഞു. ദി ഹോളിവുഡ് റിപ്പോർട്ടർ ഇന്ത്യക്ക് നൽകിയ അഭിമുഖത്തിലാണ് അജിത്തിന്റെ തുറന്നുപറച്ചിൽ.