'ഐ ലൗ മുഹമ്മദ്' കാമ്പയ്നിലൂടെ വിഭാഗീയത പരത്തരുതെന്ന് അഹ്‌ലെ ഹദീസ് കേന്ദ്ര ശൂറ 

ന്യൂ ഡൽഹി:ഐ ലൗ മുഹമ്മദ് എന്ന തലകെട്ടിൽ ഉത്തരേന്ത്യൻ സംസ്ഥാനങ്ങളിൽ നടക്കുന്ന പ്രചാരണം അതിരുവിട്ട് സമൂഹത്തിൽ വിഭാഗീയത പരത്താൻ കാരണമാകരുതെന്നു അഹ്‌ലെ ഹദീസ് കേന്ദ്ര ശൂറ ആവശ്യപ്പെട്ടു. മുഹമ്മദ് നബിയുടെ സന്ദേശങ്ങൾ ജീവിതത്തിലൂടെ പ്രസരിപ്പിക്കാനാണ് ശ്രമിക്കേണ്ടത്. പ്രവാചകന സ്നേഹം ഓരോരുത്തരുടെയും മനസ്സിലാണ് വേണ്ടത്. അത് വൈകാരിക വിഷയമാക്കി എടുത്ത് സമൂഹത്തിൽ പ്രശ്നങ്ങൾക്ക് കാരണമുണ്ടാക്കരുത്.രാജ്യത്തെ ആയിരകണക്കിന്  മദ്റസകളെ ഇല്ലാതാക്കനുള്ള ശ്രമങ്ങൾ ജാഗ്രതയോടെ കാണണം. മത സാമൂഹിക രാഷ്ട്രീയ മേഖലയിൽ വലിയ സ്വാധീനം ചെലുത്തിയ ഉത്തരേന്ത്യൻ മദ്റസകളെ സംശയത്തിന്റെ നിഴലിൽ നിർത്തി വിദ്വേഷ പ്രചാരണം നടത്തുന്നത് സംസ്ഥാന സർക്കാറുകൾ അവസാനിപ്പിക്കണമെന്നും ശൂറ ആവശ്യപ്പെട്ടു.